|
Moskva şəhərində təşkil edilən və sayca 5-ci olan "RUSSIAN
OPEN 2015" beynəlxalq turniri başa çatıb. Sentyabrın
26-27-də "Dinamo" idman kompleksində keçirilən G1
kateqoriyalı turnirdə milli komandamızın 3 üzvü -
Məhəmməd Məmmədov (68 kq), Milad Beigi Hərçəqani (80 kq)
və Fəridə Əzizova (67 kq) qüvvələrini sınayıb.
Təmsilçilərimiz bu yarışı da medalla başa vuraraq
adlarını mükafatçılar sırasına yazdırmağı bacarıblar.
Belə ki, 80 kq çəki dərəcəsində dayanq üzərinə çıxan
Milad Beigi Hərçəqanı rəqiblərinə şans verməyərək finala
yüksəlib, finalda isə Almaniya təmsilçisi Tahir Güleçi
məğlub edərək turnirin qızıl mükafatını qazanıb. Qadın
taekvondoçumuz Fəridə Əzizova (67 kq) isə yarımfinalda
məğlubiyyətlə barışmalı olub. Məhəmməd Məmmədov ilk
rəqibini məğlub etsə də, növbəti görüşü uğursuz başa
vurub.
Rəşad ZİYADOV,
"Azərbaycan müəllimi"
[email protected] |
