Javascript DHTML Drop Down Menu Powered by dhtml-menu-builder.com

ARXİV

10 Oktyabr 2015 - №37

 

İtaliyalı alimlər tələbələr üçün ustad dərsləri keçib

 

Böyütmək üçün seçinİtaliya "Sandro Teti Editore" Nəşriyyat Evinin direktoru, beynəlxalq əlaqələr üzrə ekspert Sandro Teti və xanımı professor Laura Peretti Azərbaycan Respublikasının Prezidenti yanında Bilik Fondunun dəvəti ilə Azərbaycanda səfərdədirlər. Qonaqlar Fondun "İlboyu bilik" proqramı və "Dünya elmi Azərbaycanda" layihəsi çərçivəsində bir sıra görüşlər keçiriblər.

Memar Laura Peretti Azərbaycan Rəssamlıq Akademiyası və Azərbaycan Dövlət Memarlıq və İnşaat Universitetində memarlıq ixtisası üzrə təhsil alan tələbələr üçün ustad dərsləri keçib. Azərbaycanda bir sıra memarlıq layihələrinin müəllifi olan xanım Peretti landşaftşünaslıq və landşaft arxitekturası haqqında mühazirə deyib. Professor tələbələrə ölkəmizdə həyata keçirdiyi layihələr haqqında ətraflı məlumat verib, memarlığın sirlərindən danışıb.    

Sandro Teti Azərbaycan Dövlət İdarəçilik Akademiyasında "Beynəlxalq münasibətlər" və "Politologiya" ixtisasları üzrə təhsil alan tələbələrə "Bir sıra Avropa dövlətlərinin Azərbaycana qarşı həyata keçirdiyi ikili standartlar siyasəti" mövzusunda mühazirə deyib. İtaliya-Azərbaycan münasibətlərinin yüksək səviyyədə olduğunu bildirən ekspert bundan sonra da müxtəlif istiqamətlərdə qarşılıqlı əlaqələrin inkişaf edəcəyinə əminliyini vurğulayıb.

Bilik Fondu beynəlxalq əlaqələr üzrə ekspert Sandro Tetinin iştirakı ilə videokonfrans təşkil edib. "Beynəlxalq aləmdə Azərbaycana qarşı həyata keçirilən ikili standartlar siyasəti" mövzusunda videokonfransa Sumqayıt, Mingəçevir, Qəbələ, Lənkəran, Şamaxı, Gəncə və Bərdədən olan gənclər, yerli ziyalıların nümayəndələri qatılıblar. İtaliya ilə Azərbaycan arasındakı dostluq münasibətlərinin tarixindən bəhs edən Sandro Teti bu əlaqələrin yüksələn xətlə inkişaf etdiyini vurğulayıb. Ekspert İtaliya Azadlıq hərəkatında həmyerlilərimizin göstərdikləri qəhrəmanlıqlara görə bütün Azərbaycan xalqına təşəkkürünü bildirib və onların xatirəsinə həsr etdiyi kitabı konfrans iştirakçılarına təqdim edib.

Tədbirə qatılanların çoxsaylı suallarına cavab olaraq ekspert Avropa İttifaqının Azərbaycanla bağlı qəbul etdiyi son qərəzli qətnamənin heç də bütün Avropa dövlətlərinin və onların əhalisinin mövqeyini əks etdirmədiyini bildirib.

S.Teti Bilik Fonduna geniş auditoriya ilə videokonfrans təşkil etdiyinə görə minnətdarlıq edib.     

Bilik Fondunun İnformasiya təminatı sektoru

 
 
 
Səhifənin başına qalx "Xəbərlər" bölməsinə get Nömrənin müdəricatına dön Səhifənin başına qalx
 

AZƏRBAYCANIN TƏHSİL NAZİRLƏRİ

 

DÜNYA UNİVERSİTETLƏRİ

 

DÜNYA TƏHSİLİ

 

700 BAL TOPLAYANLAR

 
 
 

Copyright  ©  All Rights Reserved.
Created and supported by Mehman Shafagatov