Javascript DHTML Drop Down Menu Powered by dhtml-menu-builder.com

ARXİV

24 Oktyabr 2015 - №39

 

BPKİYİ-nin beynəlxalq əlaqələri genişlənir

 

Böyütmək üçün seçinBakı Pedaqoji Kadrların İxtisasartırma və Yenidənhazırlanma İnstitutunun rektoru, professor Asəf Zamanov Birləşmiş Krallığın Norveç Dil Təhsili İnstitutunun dəvəti ilə 7-13 oktyabr 2015-ci il tarixlərdə Norveç şəhərində ezamiyyədə olub. Qeyd etmək lazımdır ki, BPKİYİ ilə NİLE arasında 2013-cü ildən əməkdaşlıq əlaqələri yaradılıb, elm və təhsil sahəsində əməkdaşlığa dair müqavilə imzalanıb, bir sıra işlər həyata keçirilib.

 Səfər çərçivəsində müəllimlərin peşəkar inkişafı və innovativ layihələrin işlənməsi, BPKİYİ-nin inkişaf planı, “İnnovasiya, təhsilin keyfiyyəti və inkişaf”   mövzusunda  növbəti (IV) Beynəlxalq elmi konfransın 2016-cı ildə birgə keçirilməsi məsələləri müzakirə olunub.

Görüşlərdə NİLE-nin biznesin inkişafı üzrə direktoru Sarah Mount və akademik direktor Alan Pulverness BPKİYİ, NİLE və British Council arasında əməkdaşlığın  səviyyəsindən,  ingilis dilinin tədrisində keyfiyyət standartlarının təkmilləşdirilməsi məqsədi ilə birgə fəaliyyətdən, tədrisdə innovasiyaların tətbiqindən, təlim texnologiyaları və metodologiyalarının səviyyəsindən, görülən işlərin nəticəsindən razılıqlarını bildiriblər. BPKİYİ ilə British Council-ın əməkdaşlığının iki illiyinə həsr olunmuş Davamlı Peşəkar İnkişaf  pilot layihəsi çərçivəsində 12 fevral 2014-cü il tarixdə Bakıda birgə  keçirilmiş, akademik direktor Alan Pulvernessin də iştirak və məruzə etdiyi beynəlxalq konfransın yüksək səviyyədə təşkili vurğulanıb. Asəf Zamanov NİLE-nin struktur və bölmələrinin fəaliyyəti ilə yaxından tanış olub.

Görüşlərin nəticəsi olaraq “İnnovasiya, təhsilin keyfiyyəti və inkişaf” mövzusunda IV Beynəlxalq elmi konfransın birgə keçirilməsi, NİLE mütəxəssisləri tərəfindən ingilis dili müəllimləri üçün peşəkar inkişaf təlimlərinin - öyrətmə və öyrənmədə motivasiya; dil tədrisində qarışıq (online və face to face) öyrənmə; multikulturalizim və ingilis dilinin tədrisi; akademik məqsədlər üçün ingilis dilinin tədrisi; yeni öyrənənlər üçün ingilis dilinin tədrisi; ingilis dilinin tədrisində müasirlik və yeni istiqamətlər; təlimçi inkişafı: müəllimləri öyrədənlər üçün kurslar; dil tədrisində əyani vasitələr və s. təşkili də razılaşdırılıb. Sarah Mount həmçinin, BPKİYİ-nin  biznes inkişaf planlarına dair tövsiyələrini bildirib.

Departament direktoru Thom Kiddlenin “Onlayn peşəkar inkişaf kursları” təqdimatında onlayn təhsilin zəruriliyi, kursların təşkili forması, NİLE-nin əməkdaşlıq etdiyi ölkə və ali məktəblər, ingilis dilini yeni öyrənənlərin təlimləri, tyutorun kursların təşkilində rolu, qiymətləndirilmə formaları və gələcəkdə həyata keçirilməsi nəzərdə tutulan işlərin BPKİYİ-nin fəaliyyətində nəzərə alınmasının əhəmiyyəti vurğulanıb.

Professor Asəf Zamanov Lids Universitetində (University of Leeds) də  olub, beynəlxalq məsələlər üzrə direktor Melissa Şuessler və Mexanika mühəndisliyi fakültəsinin rəhbəri professor David Bortonla görüşüb. Görüşdə gələcək əməkdaşlığa dair məsələlər müzakirə olunub. İnstitutun müəllifi olduğu bir neçə monoqrafiya universitetin kitabxanasına hədiyyə edilib.

 
 
 
Səhifənin başına qalx "Xəbərlər" bölməsinə get Nömrənin müdəricatına dön Səhifənin başına qalx
 

AZƏRBAYCANIN TƏHSİL NAZİRLƏRİ

 

DÜNYA UNİVERSİTETLƏRİ

 

DÜNYA TƏHSİLİ

 

700 BAL TOPLAYANLAR

 
 
 

Copyright  ©  All Rights Reserved.
Created and supported by Mehman Shafagatov