|
 Bakının
Novxanı qəsəbəsində yerləşən “AF HOTEL”də Azərbaycan
Respublikasının dövlət müstəqilliyinə həsr olunmuş “BAKU
OPEN - 2015” beynəlxalq şahmat festivalının “A” və “B”
turnirləri keçirilib.
Yarışlar 9 turdan ibarət İsveçrə sistemi üzrə
keçirilmişdir. “A” turnirində 52 nəfər, “B” turnirində
isə 147 nəfər iştirak etmişdir. Yarışlarda Azərbaycan
idmançıları ilə yanaşı Gürcüstan, İran, Əfqanıstan,
Avstriya, Belarus, Hindistan, Rusiya, Ukrayna və
Venesuela idmançıları da təmsil olunublar.
“A” turnirində I yeri Qaem Mahami Ehsan (İran), II yeri
Nicat Abbasov, III yeri Başharan Adhiban, “B” turnirində
I yeri Rəşad Zeynallı, II yeri Toğrul Həsənzadə, III
yeri Şəhriyar Həsənov tutmuşlar. Sonda qaliblər
Azərbaycan Şahmat Federasiyası tərəfindən pul
mükafatları və kubokla təltif olunublar. |
