Javascript DHTML Drop Down Menu Powered by dhtml-menu-builder.com

ARXİV

14 Noyabr 2015 - №42

 

“Heydər Əliyev və Azərbaycan tarixi” bilik yarışı başa çatıb

 

Böyütmək üçün seçinNoyabrın 10-da Heydər Əliyev Mərkəzində ali məktəb tələbələri arasında “Heydər Əliyev və Azərbaycan tarixi” adlı II ümumrespublika bilik yarışı keçirilib.

Yarışda hər ali məktəbdən bir komanda olmaqla ümumilikdə 46 komanda mübarizə aparıb. Hər komandada 6 əsas və 2 ehtiyat iştirakçı olub.

Yarış 3 turda keçirilib. Hər turda Azərbaycan xalqının ümummilli lideri Heydər Əliyevin həyat və fəaliyyəti, ulu öndərin rəhbərliyi altında ölkədə aparılan dövlət quruculuğu prosesi və islahatları əks etdirən 12 sual səsləndirilib.

Qalib komandalar turlar üzrə qazanılmış ümumi xallar əsasında müəyyən edilib. Gərgin mübarizə şəraitində keçən yarışmada birinci yeri 44 xalla Qafqaz Universitetinin komandası tutub. İkinci və üçüncü yerləri isə müvafiq olaraq 42 xalla Azərbaycan Respublikası Daxili İşlər Nazirliyi Polis Akademiyasının, 41 xalla Lənkəran Dövlət Universitetinin komandası qazanıb.

Qalib komandalar mükafatlandırılıb. Yarışda iştirak edən digər komandalara isə sertifikatlar təqdim edilib.

Heydər Əliyev Mərkəzinin təşkilatçılığı və Təhsil Nazirliyinin dəstəyi ilə həyata keçirilən bu layihə Azərbaycan xalqının ümummilli lideri Heydər Əliyevin həyat və fəaliyyətinin öyrənilməsi, ulu öndərin irsinin yaşadılması və gənc nəsil arasında təbliği, eyni zamanda gənc nəslin elmə, maarifləndirici yarışlara marağının artırılması məqsədi daşıyır.

Xatırladaq ki, “Heydər Əliyev və Azərbaycan tarixi” adlı I ümumrespublika bilik yarışı 2014-cü il noyabrın 12-də keçirilib. Yarışda 44 ali məktəbin komandası iştirak edib. Bakı Slavyan Universiteti, Milli Təhlükəsizlik Nazirliyinin Heydər Əliyev adına Akademiyası və Lənkəran Dövlət Universitetindən olan komandalar müvafiq olaraq birinci, ikinci və üçüncü yerlərin qalibi olub.

 
 
 
Səhifənin başına qalx "Xəbərlər" bölməsinə get Nömrənin müdəricatına dön Səhifənin başına qalx
 

AZƏRBAYCANIN TƏHSİL NAZİRLƏRİ

 

DÜNYA UNİVERSİTETLƏRİ

 

DÜNYA TƏHSİLİ

 

700 BAL TOPLAYANLAR

 
 
 

Copyright  ©  All Rights Reserved.
Created and supported by Mehman Shafagatov