|
Azərbaycan Gənc Tamaşaçılar Teatrı məktəblilərin payız
tətili günlərində maraqlı tamaşalarla çıxış edəcək.
Teatrın mətbuat xidmətindən AZƏRTAC-a bildirilib ki,
teatrın repertuarında orta məktəblərdə tədris olunan
klassik və müasir dramaturgiya nümunələrinə geniş yer
ayrılıb. Belə ki, noyabrın 11-dən 22-dək teatrda hər gün
məktəblilər üçün “Hekayəti xırs quldurbasan”
(M.F.Axundzadə), “Dəcəl keçi” (P.Nurəliyeva), “Çəkməli
pişik” (Ş.Perro), “Çirkin ördək balası” (H.K.Andersen),
“Qoğalın nağılı” (Xalq nağılı), “Biri vardı, biri yox”
(Ə.Ol), “Qaraca qız” (S.S.Axundov, A.Şaiq), “Danışan
gəlincik” (A.Şaiq) və “Balaca və damda yaşayan Karlson”
(A.Lindqren) tamaşaları təqdim olunacaq.
Teatr eyni zamanda ali məktəb tələbələrini və axşam
tamaşalarının daimi izləyicilərini də yaddan
çıxarmayacaq. Axşam tamaşaçıları bu ərəfədə “Ağ ölüm” (V.Siqarev),
“Hasarın o üzü” (Ə.Əmirli), “Romeo və Cülyetta” (U.Şekspir)
və “Xortdanın cəhənnəm məktubları” (Ə.Haqverdiyev) kimi
maraqlı tamaşaları seyr edə biləcəklər. |
