Yeniyetmələrin asudə vaxtlarının səmərəli təşkili,
perspektivli idmançıların seçilməsi və velosiped
idmanında kütləviliyin təmin olunması məqsədilə Xətai
rayonunun orta məktəbləri arasında rayon çempionatı
keçirilib. Yarışda hər birinin tərkibində 3 oğlan və 1
qız olan 37 komanda iştirak edib.
Reqlamentə görə, komandalar 800 metrlik marşrut boyunca
yarışıblar. Nəticələrə gəlincə, 1-ci yerə 29 nömrəli
orta məktəbin komandası layiq görülüb. 27 və 287 nömrəli
məktəblərin komandaları isə müvafiq olaraq 2-3-cü
yerləri tutublar.
Analoji yarışlar paytaxtın digər rayonlarının məktəbləri
arasında da təşkil ediləcək. Bu yarışlarda ilk 3 yeri
tutan komandalar isə final mərhələsi gələn ilin
yanvarında təşkil ediləcək Bakı şəhər çempionatında
iştirak hüququ əldə edirlər. |