Javascript DHTML Drop Down Menu Powered by dhtml-menu-builder.com

ARXİV

12 Dekabr 2015 - №46

 

Yaponiya Dövlətinin Milli bayramı münasibətilə rəsmi qəbul

 

Böyütmək üçün seçinTəhsil naziri Mikayıl Cabbarov əlamətdar gün münasibətilə yapon xalqını Prezident İlham Əliyevin adından təbrik edib 

Dekabrın 8-də Yaponiyanın Azərbaycandakı səfirliyi Yaponiya Dövlətinin Milli bayramı - İmperatorun ad günü münasibətilə rəsmi qəbul təşkil edib. Əvvəlcə hər iki ölkənin Dövlət himnləri səsləndirilib.

Səfir Tsuquo Takahaşi bildirib ki, Yaponiya İmperatoru yapon xalqının birlik rəmzidir və onun doğum günü milli bayram kimi qeyd olunur.

Azərbaycan ilə Yaponiya arasında əlaqələrdən danışan diplomat vurğulayıb ki, yüksək səviyyəli qarşılıqlı səfərlər əməkdaşlığımızın bütün istiqamətlərdə inkişafına töhfə verir. İki ölkə arasında siyasi, iqtisadi, təhsil, mədəniyyət sahələrində, eləcə də beynəlxalq təşkilatlar çərçivəsində əməkdaşlıq daha da dərinləşir.

Səfir ölkələrimiz arasında əlaqələrin bundan sonra da inkişaf edəcəyinə əminliyini bildirib.

Təhsil naziri Mikayıl Cabbarov əlamətdar gün münasibətilə yapon xalqını Prezident İlham Əliyevin adından təbrik edib, dövlətimizin başçısının xoş arzularını çatdırıb.Böyütmək üçün seçin Nazir bildirib ki, ölkələrimiz arasında müxtəlif sahələrdə əlaqələr genişlənir. Azərbaycanda həyata keçirdiyi bir çox layihələrə görə Yaponiya hökumətinə minnətdarlığını bildirən Mikayıl Cabbarov ölkələrimizin müxtəlif sahələrdə fəal əməkdaşlıq etdiyini vurğulayıb. Nazir əmin olduğunu bildirib ki, ikitərəfli münasibətlər getdikcə daha da möhkəmlənəcək və genişlənəcək.

Tədbirdə Azərbaycanın dövlət və hökumət rəsmiləri, Milli Məclisin deputatları, xarici ölkələrin Bakıdakı səfirləri, ictimaiyyətin nümayəndələri iştirak ediblər.  

AZƏRTAC

 
 
 
Səhifənin başına qalx "Xəbərlər" bölməsinə get Nömrənin müdəricatına dön Səhifənin başına qalx
 

AZƏRBAYCANIN TƏHSİL NAZİRLƏRİ

 

DÜNYA UNİVERSİTETLƏRİ

 

DÜNYA TƏHSİLİ

 

700 BAL TOPLAYANLAR

 
 
 

Copyright  ©  All Rights Reserved.
Created and supported by Mehman Shafagatov