|
 Dekabrın
11-də Bakı Humanitar Kollecində ulu öndər Heydər Əliyevə
həsr olunmuş anım tədbiri keçirilib. Dövlət himni ifa
olunduqdan sonra tədbir iştirakçıları ulu öndər Heydər
Əliyevin əziz xatirəsini bir dəqiqəlik sükutla yad
ediblər. Tədbiri giriş sözü ilə açan kollecin direktoru
İlqar Mahmudov bildirib ki, Heydər Əliyevin Azərbaycan
xalqı qarşısındakı xidmətlərini sadalamaqla bitməz.
Heydər Əliyev Azərbaycanın böyük oğlu, xalqın lideri,
bənzərsiz dövlət xadimi idi. Sağlığında millət atası
olmağı bacardı, xalqın sevgisini qazandı və müasir
Azərbaycanın yaradıcısı, qurucusu oldu. Ulu öndərin
siyasi xətti bu gün də dövlət başçısı cənab İlham Əliyev
tərəfindən uğurla davam etdirilir.
Kollecin tələbələri ulu öndərə həsr olunmuş mahnılar və
şeirlər ifa ediblər. Tədbirdə iştirak edən xalq
artistləri Niyaməddin Musayev, Gülyaz Məmmədova, əməkdar
artist Zakir Əliyev, İlkin Əhmədov ulu öndərə həsr
olunmuş mahnılar ifa ediblər və qiraətçi, əməkdar
artist Ağalar Bayramov Heydər Əliyev haqqında şeir
söyləyib.
Rəşad ZİYADOV,
“Azərbaycan müəllimi” |
