Azərbaycan Milli Elmlər Akademiyası Naxçıvan Bölməsinin Elmi Kitabxanasında “Qarabağ Azərbaycandır!” adlı sərgi açılıb.

Sərgidə ”Qarabağ düyünü”, “Ermənilərin Azərbaycana qarşı ərazi iddiaları və qanlı cinayətləri”, “Azərbaycanın Qarabağ bölgəsinin tarixi”, ”Azərbaycan Respublikasının xarici siyasətində Ermənistan-Azərbaycan Dağlıq Qarabağ münaqişəsi”, “Qondarma erməni soyqırımı və tarixi həqiqətlər”, “Ermənistan-Azərbaycan Dağlıq Qarabağ münaqişəsi beynəlxalq hüquq müstəvisində”, “Qarabağnamələr”, “Dağlıq Qarabağın tarixindən sənədlər”, “Qarabağ dosyesı” və digər bu qəbildən olan kitabların elektron versiyaları yer alıb.

Virtual ziyarətçilər sərgi ilə buradan https://docs.google.com/presentation/d/1SZ3v0KTFVnJnd6h1UkwBYfNJt-bV6xLzvnsA6j12n2M/mobilepresent?slide=id.g9d4e33b55c_0_175 tanış ola bilərlər.

Qeyd edək ki, Naxçıvan Bölməsinin kollektivi Prezident, Ali Baş Komandan İlham Əliyevin rəhbərliyi ilə bu gün cəbhədə tarix yazan Milli  Ordunun əzəli və əbədi Azərbaycan torpağı olan Qarabağ uğrunda döyüşlərdə əldə etdiyi böyük uğurlara sevinir, qısa zamanda ölkəmizin ərazi bütövlüyünü bərpa edəcəyinə inanır.