Portuqaliyanın Tomar Universitetinin professoru Valentim Nunes Bakı Dövlət Universitetinin (BDU) kimya fakültəsinin qonağı olub.
Kimya fakültəsinin dekanı Fuad Kərimli ilə keçirilmiş görüş zamanı fakültənin bakalavriat və magistratura proqramları, iştirak etdiyi beynəlxalq qrant lahiyələri haqqında fikir mübadiləsi aparılıb. Daha sonra professor kimya fakültəsinin elmi-tədqiqat laboratoriyaları ilə tanış olub. Yerinə yetirilən elmi-tədqiqat işləri və birgə layihələrin icrası haqqında müzakirələr aparılıb.
Sonra professor Valentim Nunes “Axın termodinamikası” mövzusunda seminar keçib. Qonaq axın termodinamikası, maye və termodinamika sahə nəzəriyyələri, davamlı mühitdə klassik fiziki proseslərin riyazi təsvirinə həsr olunmuş məruzə ilə çıxış edib.