Azərbaycan Dövlət İqtisad Universiteti (UNEC) əməkdaşları xarici universitetlərin mentorluq fəaliyyətinin təşkili təcrübəsini öyrənmək məqsədilə Türkiyə universitetlərinə ezam olunub.
Türkiyənin Ankara şəhərində yerləşən Hacı Bayram Vəli Universitetində ezam olunan UNEC-in mentorları səfərdən öncə rektor, professor Ədalət Muradovla görüşüblər.
Rektor tələbələr üçün daha keyfiyyətli akademik məsləhət xidmətinin təşkili məqsədilə yaradılan mentorluq xidmətinin əhəmiyyətini vurğulayaraq, mentorların peşəkarlıq səviyyələrinin davamlı olaraq artırılmasının vacibliyini bildirib. Bu istiqamətdə xarici universitetlərin təcrübəsinin öyrənilməsinin faydalı olacağını diqqətə çatdırıb.