Doktorantura və dissertanturaya qəbul olmaq istəyən şəxslər üçün yanvarın 18-də keçirilən xarici dil üzrə elektron sınaq imtahanının nəticələri açıqlanıb.
Belə ki, Dövlət İmtahan Mərkəzi (DİM) yazı bloku üzrə esselərə verilən qiymətləri öz saytında cədvəldə təqdim edib.
DİM esse yazısını maksimum 10 balla dəyərləndirib. İki və daha artıq balla qiymətləndirilən esseləri isə məqbul hesab edib.
Oxuyub-anlama, dinləyib-anlama, dildən istifadə bloku üzrə də imtahanlar keçirilib və onların nəticələri yanvarın 18-də, imtahan yekunlaşdıqdan dərhal sonra iştirakçılara arayış formasında təqdim olunub.