Bütün xəbərlər
18 dekabr, 13:11

Mərkəzi Aran Regional Təhsil İdarəsinin Ucar rayon təhsil sektorunun nəzdində fəaliyyət göstərən, bir əsr yaşı olan Ağamusa Mustafayev adına Bərgüşad kənd 1 nömrəli tam orta məktəbi bölgənin təhsil həyatında əhəmiyyətli mövqeyə sahibdir. 1923-cü ildə əsası qoyulan bu məktəb illər keçdikcə regionun qabaqcıl təhsil müəssisələrindən birinə çevrilib. 1987-ci ildə istifadəyə verilən məktəb binası 2006-cı ildə əsaslı təmir edilib. Hazırda məktəbin 23 sinfində 570 şagird təhsil alır. 2024-cü tədris ilindən burada İKT və dərzi profilli peşə sinifləri də fəaliyyət göstərir.

Məktəbin uğurları, innovativ yanaşmaları və peşə yönümlü siniflərin yaradılması təhsildə keyfiyyətin yüksəldilməsinə mühüm töhfə verir. 

Məktəbin uğurlarından danışan direktor Sevinc Səmədova qeyd edir ki, əsas məqsədləri təkcə şagirdlərə bilik vermək deyil, onları şəxsiyyət kimi formalaşdırmaq, milli-mənəvi dəyərlərimizi mənimsəmələrini təmin etmək və eyni zamanda müasir texnoloji biliklərə yiyələnən gənclər yetişdirməkdir:

“Məktəbdə İKT və dərzi profilli peşə siniflərinin açılması bu məqsədə xidmət edən əsas addımlardan biridir. Şagirdlərimiz akademik biliklərlə yanaşı, xüsusi bacarıqları ilə də fərqlənir”.

Məktəbdə qonşu şəhərlərdən gələn pedaqoqlar da çalışır. Onların arasında Mingəçevir şəhərindən gələn rus dili müəllimi Sevinc Həsənova, Göyçaydan gələn coğrafiya müəllimi Cəmilə Süleymanova, Ucar rayonundan gələn ingilis dili müəllimi Ayşən Əlisahibli də var. Onlar şagirdlərə bilik vermək üçün hər gün uzun məsafə qət edərək Bərgüşad kəndinə gəlirlər.

Cəmilə Süleymanova bildirir ki, şagirdlərə təkcə coğrafiya bilikləri öyrətmir, onların dünyagörüşünü genişləndirmək, fənnə maraq oyatmaq və motivasiya yaratmaq üçün də çalışır.

Məktəbin şagirdləri müxtəlif respublika və beynəlxalq yarışlarda yüksək nəticələr əldə ediblər. 2020-ci ildə “Ən yaxşı təqdimat” müsabiqəsində 9-cu sinif şagirdi Elnarə Mirzəliyeva respublika üzrə üçüncü yeri qazanıb. 2023-2024-cü tədris ilində Respublika fənn olimpiadasında mümkün 120 baldan 115-ni toplayaraq region birincisi olan Gülsüm Həsili də məktəbin uğurlu şagirdlərindəndir.

Ən son və səs-küylü nəticə isə 6-cı sinif şagirdi Minayə Hacılıya məxsusdur. O, “International Math Challenge” (IMC) olimpiadasında 30 sualdan 29 sualı düzgün cavablandıran və rəqiblərinə dəqiqələr üzrə tez bitirməklə qalib gələn şagirdimiz öz kateqoriyası üzrə Azərbaycanda birinci, ölkələr üzrə isə 16-cı yerdə qərarlaşıb. Minayə bu uğur haqda deyir:

“Valideynlərim, müəllimlərim və məktəb rəhbərliyi mənə hər zaman dəstək oldular. Bu medal məni daha böyük uğurlara həvəsləndirdi”.

Məktəbdə akademik uğurlarla yanaşı, ekoloji təşəbbüslər də diqqət mərkəzindədir. “Yaşıl dünya naminə həmrəylik ili” çərçivəsində keçirilən tədbirdə 504 şagird iştirak etmiş, peşə siniflərində təhsil alanların tikdiyi yaşıl papaqlar 96 şagirdin iştirak etdiyi fləşmobun simvoluna çevrilib.
Məktəbin Uşaq Birliyinin rəhbəri Zəmilə Həsiyeva bu haqda deyir:

“Biz şagirdlərə ekoloji düşüncə aşılayırıq. Təbiətə sevgi və qayğı məktəbin sosial həyatında xüsusi yer tutur. Yaşıl papaqlarımız təbiətə olan sevgi və qayğının simvoludur”.

Məktəbin 2020-ci il məzunu Fatimə Əliyeva 561 balla Azərbaycan Dövlət Neft və Sənaye Universitetinə qəbul olub, 2024-cü ildə isə 64 balla Bakı Dövlət Universitetinin magistratura pilləsinə daxil olub. Hazırda doğma məktəbində “İKT Helpdesk” müəllimi kimi fəaliyyət göstərir.

Bərgüşad kənd 1 nömrəli tam orta məktəbi gələcəkdə də təhsil sahəsində uğurlarını davam etdirməyi hədəfləyir. Məktəbdə yaradılan müasir təhsil mühiti və peşə sinifləri şagirdlərin rəqabətqabiliyyətli, bacarıqlı və geniş dünyagörüşlü fərdlər kimi yetişməsinə şərait yaradır.

Bu məktəbin uğurları sübut edir ki, peşəkar rəhbərlik və fədakar müəllimlərin səyi ilə Azərbaycanın istedadlı şagirdlərini dünya səviyyəsində tanıtmaq mümkündür.

1 /2

Şərhlər

Xəbər lenti

15 may, 17:46

BDU-da “Milli mətbuat tarixi” auditoriyası açılıb

15 may, 17:37

ADA Universiteti ilə “Bayraktar Texnoloji Azərbaycan” arasında memorandum imzalanıb

15 may, 17:21

BANM tələbələri “Aqrar Biznes Festivalı”nda uğurla iştirak ediblər

15 may, 17:10

“Məktəblərdə “Yaşıl Könüllük” Proqramının İcrası” layihəsi yekunlaşıb

15 may, 16:31

ADNSU-da təhsil siyasətinin əsas istiqamətləri üzrə görüş keçirilib

15 may, 16:15

Naxçıvanda ilk PISA təcrübəsi: Kimlər necə iştirak edir? – Reportaj

15 may, 15:25

“Uşaqlarımız üçün işləməyək, uşaqlarla birlikdə işləməyə başlayaq” – Vəfa Yaqublu

15 may, 15:10

Vəfa Yaqublu: “Son zəng”də şagird məktəbli formasında olmalıdır

15 may, 15:00

Ailə: Uşağın ilk müəllimi, sağlam gələcəyin təməli 

15 may, 14:57

“Zəkaların mübarizəsi” olimpiadasının final mərhələsi keçirilib

15 may, 14:56

"Son zəng"in təmtəraqla keçirilməsi qadağan edilib

15 may, 14:50

BMU-da “TəhsilPlus” kartı ilə bağlı görüş keçirilib

15 may, 14:34

Fuad Qarayev: Burada şagirdlər fərdi yox, komanda şəklində yarışırlar

15 may, 14:26

UNEC-də Beynəlxalq Türk Dünyası İqtisad konfransı keçiriləcək

15 may, 14:20

Mindən artıq elmi iş plagiat çıxıb

15 may, 13:07

“Son zəng”i daha məzmunlu, daha yaddaqalan edək

15 may, 12:41

ARTİ və Avstraliya Təhsil Tədqiqatları Şurası arasında memorandum imzalanıb

15 may, 12:32

Ali məktəbərə qəbul olmaq istəyən subbakalavrlar üçün qeydiyyat başlayıb

15 may, 12:19

“Heydər Əliyev Fondunun fəaliyyətində əsas istiqamətlərdən biri təhsil sahəsidir” – Cəmil Əliyev

15 may, 12:08

Qarabağ Universitetində Həmkarlar İttifaqı təsis edilib

Digər xəbərlər

Digər xəbərlər tapılmadı

Search not found

Qəzetimizə abunəlik

"Azərbaycan müəllimi" qəzetindən ən son xəbərləri və xüsusi təklifləri əldə etmək üçün abunə olun

2025 © "Azərbaycan müəllimi" qəzeti. Bütün müəllif hüquqları qorunur. Məlumatdan istifadə zamanı istinad mütləqdir. Məlumat internet səhifələrində istifadə edildikdə hiperlink qoyulmalıdır.