Fevralın 14-də Bakıdakı 200 nömrəli məktəb-lisey kompleksində Elm və Təhsil Nazirliyi yanında İctimai Şuranın üzvləri məktəbəqədər müəssisələrin müdir və müəllimlərinin ictimai dinləməsini keçiriblər.
"Azərbaycan müəllimi" xəbər verir ki, Elm və Təhsil Nazirliyi yanında İctimai Şuranın katibi Günay Əkbərova görüşün planını təqdim edib.
Daha sonra İctimai Şuranın sədri Hikmət Əlizadə çıxış edərək tədbirin məqsədi haqqında məlumat verib. O, məktəbəqədər təhsil müəssisələrində mövcud şəraitin öyrənilməsi, direktor və müəllimlərin qarşılaşdıqları problemlərin dinlənilməsi üçün bu cür görüşlərin önəmli olduğunu bildirib.
"Məktəbəqədər təhsildən gözləntilər" təqdimatı ilə çıxış edən Rasif Dünyamalıyev müəssisələrdə diqqət yetirilməli məqamları vurğulayıb.
Daha sonra İctimai Şura tərəfindən hazırlanmış suallar auditoriyaya təqdim edilib və iştirakçıların rəyi öyrənilib.
Yekunda alınan rəylər və aparılan müzakirələr əsasında İctimai Şura tərəfindən hesabat hazırlanacaq. Hesabat Elm və Təhsil Nazirliyinə təqdim olunacaq.
1 /20
Digər xəbərlər
Digər xəbərlər tapılmadı
Qəzetimizə abunəlik
"Azərbaycan müəllimi" qəzetindən ən son xəbərləri və xüsusi təklifləri əldə etmək üçün abunə olun
Bölmələrimiz
2025 © "Azərbaycan müəllimi" qəzeti. Bütün müəllif hüquqları qorunur. Məlumatdan istifadə zamanı istinad mütləqdir. Məlumat internet səhifələrində istifadə edildikdə hiperlink qoyulmalıdır.
Şərhlər