Bütün xəbərlər
22 noyabr, 13:13

Məktəblilərin asudə vaxtının səmərəli təşkili, onların zərərli vərdişlərdən uzaqlaşdırılması, fiziki aktivliyin yüksəldilməsi, sağlam həyat tərzinin təmin olunması məqsədilə ümumtəhsil məktəblərində dərsdən sonra müxtəlif dərnək və qruplar fəaliyyət göstərir. Təhsil müəssisələrində uşaq və gənclərin bilik və bacarıqlarını, yaradıcılıq qabiliyyətlərini inkişaf etdirmək üçün lazımi şərait yaradılır, dərsdən sonrakı vaxtlarda şagirdlər arzu və istəklərinə, maraq və meyillərinə uyğun olaraq yaradıcılıq və idman profilli dərnəklərə cəlb olunurlar. 

Ümumtəhsil məktəblərində “Yol hərəkəti qaydaları”, “Bədii qiraət”, “Rəqs”, “Rəsm”, “Məktəb teatrı”, “Əyləncəli fizika”, “İnformatika”, “İntellekt” və bir çox idman növləri üzrə xeyli sayda dərnək və qruplar fəaliyyət göstərir. Müxtəlif fənn müəllimləri bacarığı, istedadı olan şagirdləri qruplaşdıraraq onları müsabiqələrə, festivallara yönəldir, sərgilərini, tədbirlərdə çıxışlarını təmin edirlər. Müəllimlər valideynlərlə daim əlaqədə olur, onları övladlarının çox bacarıqlı olduğuna, uğurlu gələcəyinin olmasına inandırırlar. 

“Azərbaycan müəllimi” olaraq Sumqayıt şəhərində həmsöhbət olduğumuz istedadlı şagirdləri oxucularımıza təqdim edirik: 

“Arzum milli rəqslərimizi dünyada tanıtmaqdır”

Sumqayıt şəhər 24 nömrəli tam orta məktəbin 4-cü sinif şagirdi Leyla Məmmədova qiraətçidir və rəqslə məşğul olur: “3 ildir ki, şəhid Rüfət Mustafayev adına “Buta” rəqs dərnəyinə gedirəm. Müəllimim Nərgiz Ağayevanın sayəsində milli və xarici rəqsləri öyrənirəm. Milli rəqslərimizi çox sevirəm və bir çox festivallarda, tədbirlərdə uğurla çıxış etmişəm, diplomlara layiq görülmüşəm. Eyni zamanda Sumqayıt şəhərində yerləşən “Dostluq” Mədəniyyət evində “Bədii qiraət” dərnəyinin üzvüyəm və İlahə müəllimdən dərs alıram. Şeir deməyi, mahnı oxumağı xoşlayıram, tədbirlərdə, telekanallarda uşaq və bayram mövzularında verilişlərdə çıxış edirəm. Mən bu il Sumqayıt şəhərinin 75 illik yubileyinə həsr olunmuş “Əbədi gənc Sumqayıt” festival-müsabiqəsinin “Bədii qiraət” nominasiyasında 1-ci yeri qazanmışam. Həmçinin Sumqayıt şəhər Səid Rüstəmov adına 3 nömrəli Uşaq Musiqi Məktəbində fortepiano təhsili alıram. Bütün bunlarla yanaşı, məktəbdə də yaxşı oxuyuram və sinif rəhbərim Sara Abbasovanı çox istəyirəm. Nailiyyətlərimə görə atama, anama, müəllimlərimə təşəkkür edirəm. Arzum beynəlxalq festivallara qatılaraq milli rəqslərimizi bütün dünyada tanıtmaqdır”. 

“Dövlət səviyyəli tədbirlərdə şeirlər deyirəm, vətənpərvərlik mövzusunda mahnılar oxuyuram”

Sumqayıt şəhər 29 nömrəli tam orta məktəbin 5-ci pilot sinfinin əlaçısı Əhməd Əhmədli  oxumağı çox sevdiyini deyir: “Mən şəhid Rüfət Mustafayev adına “Buta” rəqs dərnəyində rəqsə gedirəm. 4 ildən çoxdur ki, rəqslə məşğulam və bu illər ərzində çoxlu sayda tədbirlərdə çıxış edərək müxtəlif diplomlara layiq görülmüşəm. Eyni zamanda “Dostluq” Mədəniyyət evində müəllimim İlahə Hüseynovanın köməyi ilə “Bədii qiraət” dərnəyində şeir deməyi, ifadəli oxumağı, səhnə mədəniyyətini öyrənirəm. Dövlət səviyyəli tədbirlərdə, məktəb tədbirlərində, müxtəlif müsabiqələrdə, bayramlarda, hərbi hissələrdə keçirilən tədbirlərdə, televiziya proqramlarında fəal iştirak edirəm, şeirlər deyirəm, vətənpərvərlik mövzusunda mahnılar oxuyuram. Mən dərnəklərin məşğələlərinə sevə-sevə gedirəm. Bu ildən cüdo idman növü ilə də məşğul oluram”.  

1 /4

Şərhlər

Xəbər lenti

11 fevral, 21:29

Nazir müavini: Ötən il 2500 gənc özünüməşğulluq proqramından faydalanıb

11 fevral, 20:46

Bakıda İnsan İnkişafı Forumu təşkil edilib

11 fevral, 19:48

Biz necə bir məktəb qurmalıyıq?

11 fevral, 19:25

2030-cu ilə qədər əmək bazarı və gələcəyin iş bacarıqları 

11 fevral, 18:55

Davamlılıq və OECD-nin təhsildə formalaşan trendləri

11 fevral, 18:20

İnsanlar qadın alimlərə daha çox inanırlar

11 fevral, 17:45

Ev tapşırıqları ləğv oluna bilərmi?

11 fevral, 17:25

Süni intellekt riyaziyyat olimpiadasının çətin suallarını da həll edə biləcək

11 fevral, 16:38

“BilBacar” müsabiqəsinin fevral ayı üzrə hazırlıq mərhələsinə start verilib

11 fevral, 16:28

Yüksək impakt-faktorlu jurnallarda nəşrlə bağlı vörkşop keçiriləcək

11 fevral, 16:19

“Konstitusiya və Suverenlik İli” ilə bağlı Tədbirlər Planı təsdiq edilib

11 fevral, 16:15

Mnemonika uşaqlara nə verir?

11 fevral, 16:14

Xocalıda uşaqların üz-gözündən sevinc yağırdı…

11 fevral, 16:01

Dilqəm Tağıyev: "Problem odur ki, özəl sektor elmi işlə maraqlanmır"

11 fevral, 15:51

“Məktəblərdə istedadlı uşaqlar çoxdur, amma universitetdə onların sayı azalır”

11 fevral, 15:46

"Bəzən uşağa elə tapşırıq verilir ki, ali təhsilli valideyn belə həll edə bilmir" – Akademik

11 fevral, 15:24

Müəllimi yaxşı edən nədir? – Harvard professorunun fikirləri

11 fevral, 15:19

Gənc tədqiqatçıların IX beynəlxalq elmi konfransı keçiriləcək

11 fevral, 15:10

Quba-Xaçmaz bölgəsində dörd məktəb üçün yeni bina tikilir 

11 fevral, 14:56

32 ildir ki, dərsə qayıqla gedib-gəlir – FOTOLAR

Digər xəbərlər

Digər xəbərlər tapılmadı

Search not found

Qəzetimizə abunəlik

"Azərbaycan müəllimi" qəzetindən ən son xəbərləri və xüsusi təklifləri əldə etmək üçün abunə olun

2025 © "Azərbaycan müəllimi" qəzeti. Bütün müəllif hüquqları qorunur. Məlumatdan istifadə zamanı istinad mütləqdir. Məlumat internet səhifələrində istifadə edildikdə hiperlink qoyulmalıdır.