Dövlət Proqramı iştirakçısı Orxan Abdulkərimli təhsilini davam etdirdiyi Yale Hüquq Məktəbində (Yale Law School) beynəlxalq hüquq sahəsində əhəmiyyətli bir tədbirin həm təşkilatçısı, həm də panel iştirakçısı qismində çıxış edib.
“Azərbaycan müəllimi” xəbər verir ki, tədbir çərçivəsində panel müzakirəsi BMT-nin “Kibercinayətkarlığa qarşı” Konvensiyasına həsr olunub və bu konvensiyanın hazırlanmasında birbaşa iştirak etmiş tanınmış beynəlxalq hüquq ekspertlərinin iştirakı ilə baş tutub.
Tədbirdə çıxış edənlər sırasında BMT, Avropa Şurası, ABŞ və Kanadanın yüksək səviyyəli nümayəndələri yer alıblar. Müzakirələrdə kibercinayətkarlığa qarşı beynəlxalq hüquqi əməkdaşlıq, elektron sübutların mühafizəsi, yurisdiksiya problemləri və inkişafda olan dövlətlərin bu konvensiyadan necə faydalana biləcəyi kimi vacib məsələlər müzakirə olunub.
Orxan Abdulkərimli tədbirdə Azərbaycanı Konvensiya üzrə danışıqlarda təmsil etmiş nümayəndə və əsas məruzəçi qismində təcrübəsindən, eləcə də kibercinayətkarlıqla mübarizədə hüquqi mexanizmlərin tətbiqindən bəhs edib.
Qeyd edək ki, Dövlət Proqramı iştirakçısı Orxan Abdulkərimli "2022-2028 Dövlət Proqramı" çərçivəsində Amerika Birləşmiş Ştatlarının Yale Universitetində “Hüquq” ixtisası üzrə magistratura səviyyəsində təhsil alır.
1 /4
Digər xəbərlər
Digər xəbərlər tapılmadı
Qəzetimizə abunəlik
"Azərbaycan müəllimi" qəzetindən ən son xəbərləri və xüsusi təklifləri əldə etmək üçün abunə olun
Bölmələrimiz
2025 © "Azərbaycan müəllimi" qəzeti. Bütün müəllif hüquqları qorunur. Məlumatdan istifadə zamanı istinad mütləqdir. Məlumat internet səhifələrində istifadə edildikdə hiperlink qoyulmalıdır.
Şərhlər