Bütün xəbərlər
22 yanvar, 09:41

Respublika fənn olimpiadalarının yarımfinal mərhələsinə vəsiqə qazananlar arasında Qazax-Tovuz Regional Təhsil İdarəsinin tabeliyindəki ümumtəhsil müəssisələrinin 1119 şagirdi də var. Onlardan 3-ü 100 bal toplayaraq maksimum nəticə əldə edib. 

“Azərbaycan müəllimi” yüksək nəticələri ilə seçilən şagirdlərlə həmsöhbət olub.

Jalə Bayramova Qazax rayonu Daş Salahlı kənd Şahin Cəbiyev adına 2 nömrəli tam orta məktəbin 11-ci sinif şagirdidir. Olimpiadada tarix fənni üzrə iştirak edib. Jalə birinci mərhələdə maksimum nəticə göstərəcəyinə inanmasa da, növbəti mərhələyə adlaya bilib:

“Olimpiadaya hazırlığa getmədən hazırlaşırdım. Bunun üçün hər gün kitab oxuyub testlər edirdim. Tarixlə yanaşı, Azərbaycan dili və ədəbiyyat fənninə də xüsusi önəm verirəm”.

Gədəbəy rayonu Çanaqçı kənd tam orta məktəbin 10-cu sinif şagirdi Orxan Bağırlı isə fizika fənni üzrə uğur qazanıb. Orxan olimpiadada ikinci dəfə iştirak etdiyini, 2023-2024-cü tədris ilində final mərhələyə qədər irəlilədiyini deyir: “Olimpiadaya hazırlaşarkən müxtəlif mövzuları dərindən öyrənirdim. Eyni zamanda əvvəlki illərin suallarını nəzərdən keçirir və əlavə mənbələrdən istifadə edərək özümü yoxlayır, zəif tərəflərimi inkişaf etdirməyə çalışırdım. Özümü qalib kimi görürəm, amma bunun üçün daha çox çalışmalıyam”.

O, uğur qazanmaq istəyənlərə ardıcıl və məqsədyönlü şəkildə çalışmağı, özlərinə inanmağı və səhvlərindən dərs çıxarmağı tövsiyə edir. Orxan əldə etdiyi uğurlara görə Gədəbəy rayonu üzrə təhsil sektorunun müdiri Elməddin Zeynalzadəyə, məktəb direktoru Kamil Hümbətova və fizika müəllimi Bəylər Rəhimova təşəkkürünü bildirir.

Tovuz rayonu Əyyublu kənd tam orta məktəbinin 9-cu sinif şagirdi İmaməli Alıyev isə tarix fənni üzrə maksimum nəticə göstərərək seçilənlər sırasına daxil olub. İmaməli öz hazırlıq prosesindən danışır:

“Hər zaman çox, ən vacibi, sistemli şəkildə çalışıram. Heç vaxt xüsusi hazırlığa getməmişəm, lakin müxtəlif resurslardan, o cümlədən dərsliklərdən və test vəsaitlərindən istifadə edirəm. Məktəb müəllimim mənə dəstək olur. Artıq bütün olimpiada proqramını yüksək səviyyədə öyrənmişəm, buna görə ilk turda 100% nəticə əldə edəcəyimi gözləyirdim və belə də oldu”.

İmaməli əvvəlki uğurlarını da qeyd edir: “2023-2024-cü tədris ilində - 8-ci sinifdə oxuyanda Respublika fənn olimpiadasında bürünc medal qazanmışdım. Bu dəfə isə qızıl medal qazanacağıma inanıram. Mənim üçün bu uğur yalnız çox çalışmaqla deyil, düzgün sistemli yanaşma ilə mümkündür”.

O, həmçinin gələcək planlarından bəhs edir: “Xarici dilləri, xüsusən ingilis və ispan dillərini öyrənməyə maraq göstərirəm. Gələcəkdə daha böyük nailiyyətlər əldə etmək üçün məqsədyönlü şəkildə çalışacağam”. İmaməli olimpiada iştirakçılarına tövsiyə verməyi də unutmur: “Dərsliklərə xüsusi önəm verin, özünüzə inanın və müxtəlif layihələr üzərində işləməyə üstünlük verin!”.

Şərhlər

Xəbər lenti

17 sentyabr, 18:53

ADNSU-da beynəlxalq sertifikatlı fənnin tədrisinə start verilib

17 sentyabr, 17:27

Çilidə məktəblərdə mobil telefonların qadağası ilə bağlı pilot layihə tətbiq olunub

17 sentyabr, 17:19

İki müəllim, bir sinif – Şagirdlərin nəticələri yüksələ bilərmi?

17 sentyabr, 16:51

Sinifdə mobil telefon qadağası şagird nəticələrini yaxşılaşdırır

17 sentyabr, 16:25

Şahin Seyidzadə: BƏƏ ilə imzalanan anlaşma təhsildə rəqəmsal transformasiyanı sürətləndirəcək

17 sentyabr, 16:14

Əzm, inam, iradə – Uşaq evində böyüyən Ayşənin uğur yolu

17 sentyabr, 15:53

MDU-nun 4 proqramı beynəlxalq standartlar üzrə qiymətləndiriləcək

17 sentyabr, 15:51

İngiltərədə hər dörd məktəbdən birində fizika müəllimi yoxdur

17 sentyabr, 15:31

Gənc müəllimlərə konkret yardımı necə təşkil etməli? – Qəzetin arxivindən

17 sentyabr, 15:20

Qarabağ Universitetinin yeni tələbə yataqxanası istifadəyə verilib

17 sentyabr, 15:11

AzTU ilə Kipr Bahçeşehir Universiteti arasında əməkdaşlıq müqaviləsi imzalanıb

17 sentyabr, 14:57

Yeni Zelandiyada yeni kurikulum təsdiqlənib: AI və STEM fənləri tədris olunacaq

17 sentyabr, 13:56

BDU "QS Biznes magistr proqramları reytinqi"nə daxil olub

17 sentyabr, 13:56

Quba məktəbinin müəllimləri vahid geyimdə dərsə başladılar

17 sentyabr, 13:48

“Müəllimim bunker, müəllimim markerdir…” – Miflər nəticələrə təsir edirmi?

17 sentyabr, 13:15

İsveç məktəblərində mobil telefondan istifadə qadağan edilir

17 sentyabr, 13:09

Azərbaycanda institutun adı dəyişdi – QƏRAR

17 sentyabr, 13:01

Uşaq bağçada xəsarət aldı, vəziyyəti qənaətbəxşdir – AÇIQLAMA

17 sentyabr, 12:53

Bu tələbələrə 2000 manat pul mükafatı veriləcək

17 sentyabr, 12:20

Bakının 353 məktəbində kağız jurnaldan istifadə edilməyəcək – AÇIQLAMA

Digər xəbərlər

Digər xəbərlər tapılmadı

Search not found

Qəzetimizə abunəlik

"Azərbaycan müəllimi" qəzetindən ən son xəbərləri və xüsusi təklifləri əldə etmək üçün abunə olun

2025 © "Azərbaycan müəllimi" qəzeti. Bütün müəllif hüquqları qorunur. Məlumatdan istifadə zamanı istinad mütləqdir. Məlumat internet səhifələrində istifadə edildikdə hiperlink qoyulmalıdır.