Sumqayıt şəhərində yerləşən 25 saylı körpələr-evi uşaq bağçasının təmir gedən korpusunun çöl elektrik xəttində qısaqapanma nəticəsində yanğın baş verib.
Bu barədə "Azərbaycan müəllimi"nə Abşeron-Xızı Regional Təhsil İdarəsindən məlumat verilib.
Bildirilib ki, məktəbəqədər təhsil müəssisəsinin həmin korpusunda təmir həyata keçirildiyindən boş olub. Əvvəlcədən yanğın təhlükəsizliyi ilə bağlı görülmüş tədbirlər sayəsində hadisənin yayılmasının qarşısı alınıb, digər korpusda olan uşaqlar və tərbiyəçi-müəllimlər təxliyə planına uyğun olaraq təhlükəsiz yerə təxliyə ediliblər, onların səhhətində heç bir problem yaranmayıb. Yanğın zamanı yalnız elektrik xətti zərər görüb.
Hazırda aidiyyəti qurum tərəfindən hadisənin başvermə səbəbləri araşdırılır, bağçanın elektrik sisteminin ən qısa zamanda bərpası çərçivəsində işlər aparılır. Bildiririk ki, məktəbəqədər təhsil müəssisəsinin digər korpusunda təlim-tədris prosesi fasiləsiz şəkildə davam edir.
.jpeg)
Digər xəbərlər
Digər xəbərlər tapılmadı
Qəzetimizə abunəlik
"Azərbaycan müəllimi" qəzetindən ən son xəbərləri və xüsusi təklifləri əldə etmək üçün abunə olun
Bölmələrimiz
2025 © "Azərbaycan müəllimi" qəzeti. Bütün müəllif hüquqları qorunur. Məlumatdan istifadə zamanı istinad mütləqdir. Məlumat internet səhifələrində istifadə edildikdə hiperlink qoyulmalıdır.
Şərhlər