Dünyanın ən böyük aerokosmik və texnologiya festivalı olan “Texnofest” çərçivəsində təşkil olunan 2025-ci ilin texnologiya müsabiqələrinə müraciətlər başlayıb.

“Azərbaycan müəllimi” www.teknofest.org saytına istinadən bildirir ki, bu il yeni ünvanı İstanbul olan Texnofest 45 milyon TL mükafat və 75 milyon TL-dən çox maddi dəstəklə həyəcanı zirvəyə çatdırır.

2025-ci ildə Türkiyə Texnologiya Komandası Vəqfi (T3 Vəqfi) və Türkiyə Respublikası Sənaye və Texnologiya Nazirliyinin rəhbərliyi ilə təşkil edilən Texnofest İstanbulda milyonlarla texnologiya həvəskarını bir araya gətirməyə hazırlaşır. Hər il yenilənən müsabiqə kateqoriyaları ilə tanınan və Türkiyənin ən böyük mükafat qazanan texnologiya yarışlarına ev sahibliyi edən Texnofest ildə 51 əsas və 117 alt kateqoriyadan ibarət olacaq. Texnofest yarışmalarına müraciətlər fevralın 20-dək davam edəcək.

51 fərqli kateqoriyalar üzrə
“Texnofest 2025” Raket yarışması, Model peyk yarışması, Pilotsuz hava vasitələri müsabiqəsi, Hava hücumundan müdafiə sistemləri yarışması, Aerokosmik yarışda süni intellekt, Maneəsiz yaşayış texnologiyaları yarışması və Blokçeyn yarışması da daxil olmaqla 51 fərqli texnologiya yarışmasını təqdim edəcək.

Builki festivalda ilk dəfə Sualtı raket yarışması, Pilotsuz quru vasitələri müsabiqəsi, Beynəlxalq Uşaq Elm Yarışması və Memarlıq və vizual dizayn yarışmaları texnologiya həvəskarlarına yeni imkanlar təqdim edir. Yarışların mərkəzi İstanbulda olacaq. Mərmərə bölgəsinin müxtəlif yerlərində keçiriləcək və texnologiya həvəskarlarına unikal təcrübə təqdim edəcək.

4 milyon arzuya ilham
2018-ci ildən bəri Texnofest bu günə qədər 4 milyona yaxın müraciətə ev sahibliyi edərək, gələcəyi formalaşdıran innovasiyaların və ideyaların mərkəzi olub. “Texnofest 2025”də ibtidai məktəbdən doktoranturaya qədər bütün təhsil səviyyələrindən minlərlə gənc öz arzularını reallığa çevirmək üçün müxtəlif texnologiya yarışmalarına müraciət etmək imkanı əldə edəcək.

Türkiyə Texnologiya Komandası Vəqfi və Türkiyə Cümhuriyyəti Sənaye və Texnologiya Nazirliyinin rəhbərliyi, Türkiyənin qabaqcıl texnologiya şirkətləri, ictimai və media qurumları, universitetlərin töhfələri ilə təşkil edilən Texnofest aerokosmik və texnologiya festivalı texnologiya həvəskarları ilə görüşməyə hazırlaşır. 2025-ci ildə İstanbul “İlklərin yeganə festivalı” kimi tanınan və festival ruhunu ölkənin hər yerinə yayan gəncləri bu unikal yarışmaya dəvət edir.

Texnofest həvəskarları www.teknofest.org saytı vasitəsilə festivalda iştirak üçün qeydiyyatdan keçə bilərlər.