SDU-nun komandası intellektual yarışın qalibi olub

Sumqayıt Gənclər evinin təşkilatçılığı ilə açıq havada gənclər təşkilatları arasında "Keçmişə qayıdaq" adlı intellektual yarış keçirilib.

 

Yarışın keçirilməsində məqsəd gənclərin intellektual səviyyəsinin yüksəldilməsinə şərait yaratmaq, onların milli-mənəvi dəyərlərimiz və tariximiz haqqında daha geniş biliklərə sahib olmalarına kömək göstərməkdir.

 

Yarışda 6 komanda iştirak edib. Maraqlı mübarizə şəraitində keçən yarışda qalib komandalar medal və sertifikatlarla təltif ediliblər.

 

I yerə Sumqayıt Dövlət Universitetinin (SDU)Tələbə Gənclər Təşkilatı, II yerə Sumqayıt regional "ASAN xidmət" mərkəzi, III yerə Qızıl Aypara Cəmiyyətinin Sumqayıt bölməsi çıxıb.

 

Bu barədə SDU-dan məlumat verilib.

 

 



05.11.2020 | 14:20