Azərbaycan və Çin dillərində tələbə əsərlərinin qalibləri mükafatlandırılıb

Azərbaycan Dillər Universitetinin (ADU) nəzdində fəaliyyət göstərən Konfutsi İnstitutunda Azərbaycan və Çin dillərində tələbə əsərlərinin qaliblərinin mükafatlandırma mərasimi keçirilib.  

 

Qeyd edək ki, Çin Xalq Azadlıq Ordusunun yaranmasının 92-ci ildönümü və Azərbaycan Silahlı Qüvvələrinin yaranmasının 101 illiyi ilə bağlı keçirilən tədbir Sun Dzınin “Müharibə sənəti - Mənim sevimli aforizmim” mövzusuna həsr olunub.

 

Əsərlər dil bilmə səviyyəsinə, ədəbi və bədii üslubun xüsusiyyətlərinə və məzmunun özünəməxsusluğuna görə qiymətləndirilib.

 

Konfutsi İnstitutunun direktoru, Çin dilinin hərbi tərcüməçisi Rafiq Abbasov Azərbaycan-Çin hərbi-siyasi və hərbi-texniki əlaqələrin inkişaf perspektivləri, İpək yolunun dirçəldilməsində Azərbaycanın geostrateji rolu, Çin hərbi-sənaye kompleksinin modernləşdirilməsinin hərbi-siyasi prioritetləri, Avrasiya nəqliyyat dəhlizinin təhlükəsizliyinin təmin edilməsinin vacibliyini qeyd edib.

 

Müsabiqənin qalibləri ADU-nun Konfutsi İnstitutunun kurslarında pulsuz Çin dili dərsləri hüququ alıblar.

 



23.07.2019 | 14:27