Uşaq paralimpiyaçılar üzgüçülük üzrə açıq çempionatda çıxış ediblər

Sumqayıt səhərində yerləşən Respublika Paralimpiya idman kompleksində “Sumqayıt şəhərinin 70 illik” yubileyinə həsr olunmuş üzgüçülük idman növü üzrə açıq çempionat keçirilib.

Çempionatda müxtəlif yaş kateqoriyalarından olan yüzədək idmançı, o cümlədən Uşaq Paralimpiya Komitəsinin idmançıları iştirak ediblər.

 

Turnirdə 2009-2010-cu il təvəllüdlü idmançı uşaqlar arasında paralimpiyaçı Əli Vəliyev, 2007-2008 - ci il təvəllüdlü qızlar arasında yarışan paralimpiyaçı Elnarə Nizami və 2007-2008-ci təvəllüdlü oğlanlar arasında Əli Səfərəlizədə 50 metr məsafəyə sərbəst üsulla üzgüçülük yarışlarında birinci yerə layiq görülüblər.

 

Görmə məhdudiyyətli paralimpiyaçı Elxan Qurbanov isə öz yaşıdları arasında 3-cü yeri tutub.

 

Beləliklə, çempionatında iştirak edən uşaq paralimpiyaçılarımız 3 qızıl və 1 bürünc medal qazanıblar.

 



26.08.2019 | 20:27