Universitetdə Bayraq günü

Naxçıvan Dövlət Universiteti (NDU) İncəsənət fakültəsində 9 Noyabr - Dövlət Bayraq Gününə həsr olunmuş tədbir keçirilib.

 

Universitetin rektoru, AMEA-nın müxbir üzvü Saleh Məhərrəmov Dövlət bayrağının yaranması tarixindən danışıb və 2009-cu il noyabrın 17-də “Azərbaycan Respublikası Dövlət Bayrağı gününün” təsis edilməsi haqqında Prezident İlham Əliyevin Sərəncamını xatırladıb. Diqqətə çatdırılıb ki, bu sərəncamla hər il noyabr ayının 9-u ölkəmizdə Dövlət Bayrağı günü kimi qeyd edilir.

 

Azərbaycan tarixi kafedrasının müəllimi Zamin Əliyev Naxçıvan şəhərində  Dövlət Bayrağı Meydanı və Muzeyinin yaradılmasından danışıb. 

 

Müalicə işi ixtisası üzrə I kurs tələbəsi Aysel İsayeva vətənə, dövlətimizin simvollarına hörmət və ehtiram nümayiş etdirməyi, gənclərin ən müqəddəs amalı, vəzifəsi hesab edib.

 

Tədbir tələbələrin bədii qiraəti ilə davam edib. Sonda videoçarx nümayiş olunub.



07.11.2019 | 18:24