Albert Eynşteynlə müqayisə olunan tələbə

Almaniyanın Eindhoven Texniki Universitetinin tələbəsi olan 9 yaşlı Laurent Simonsu haqlı olaraq  vunderkind  adlandırırlar. Çünki o,  6 yaşında ibtidai sinfi, 8 yaşında isə tam orta məktəbi bitirərək  2018-ci ilin yayında  adıçəkilən universitetin tələbəsi adını qazanıb.

 

Onun intellekt  səviyyəsi   minimum 145 rəqəmi ilə qiymətləndirilir. Artıq alman filosofları  Simonsu intellekt göstəriciləri 76 rəqəmi ilə qiymətləndirilən astrofizik Stefan Havkin və Nobel mükafatçısı Albert Eynsteynlə müqayisə edirlər.

 

Yeniyetmə tələbənin  elmi rəhbəri, professor Peter Baltusun fikrincə, universitetin ondan gözləntiləri çox yüksəkdir. Dərs materiallarını evə apararaq Laurent heç bir dəstək almadan ən qısa vaxtda hazırlayıb təhvil verir. Hazırda o,beyin hüceyrələrinin reaksiyasının ölçülməsini təmin edə biləcək   mikrocip üzərində çalışır və  gələcəkdə də bu sahə üzrə  araşdırmalarını davam etdirmək niyyətindədir.  İnsan həyatına yüksək qiymət verən elm fədaisi ,-mən elə bir ixtira etmək  istəyirəm ki, onun köməkliyi ilə insanın ömrünü uzada bilim,- deyir və bu arzusunu reallaşdıracağına əmindir.

 

Artıq  doktorluq elmi dərəcəsinin astanasında olan vunderkind   bundan sonrakı araşdırmalarını  ABŞ-da, ya da  Almaniyada davam etdirəcək.

  

Sifai SƏFƏROVA 



14.11.2019 | 12:23