· Ana səhifə

· Rəsmi

· Heydər Əliyev Fondu

· Əmrlər, sərəncamlar

· Təhsil Nazirliyində

· Xəbərlər

· Pedaqoji yazılar

· Məktəblərimiz


· Bizimlə əlaqə


B.e ç.a ç. C.a C. Ş. B.
1 2 3 4
5 6 7 8 9 10 11
12 13 14 15 16 17 18
19 20 21 22 23 24 25
26 27 28 29 30 31  
 

 

Prezident İlham Əliyevə Taras Şevçenko adına Kiyev Milli Universitetinin fəxri doktoru diplomu təqdim edilib

Xəbər verdiyimiz kimi, mayın 22-də Taras Şevçenko adına Kiyev Milli Universitetində Azərbaycan Respublikasının Prezidenti İlham Əliyevə bu təhsil müəssisəsinin fəxri doktoru adı verilməsi münasibətilə təntənəli mərasim olmuşdur.

Mərasim iştirakçıları Azərbaycan dövlətinin başçısını hərarətlə qarşıladılar.

Universitetin rektoru vəzifəsini icra edən akademik LEONİD QUBERSKİ. Azərbaycan Prezidenti İlham Əliyevin həyat və fəaliyyəti haqqında ətraflı məlumat verdi. O, dövlətimizin başçısının təhsilin inkişafında rolu barədə danışarkən vurğuladı ki, Azərbaycan Prezidentinin fəal dəstəyi sayəsində Azərbaycan və Ukrayna ali məktəbləri arasında dostluq əlaqələri və əməkdaşlıq genişlənmiş və dərinləşmişdir. Bu böyük və mühüm işdə Kiyev Milli Universiteti də fəal iştirak edir. Vaxtilə burada təhsil almış Azərbaycan vətəndaşları hazırda ölkənin ictimai-siyasi həyatında mühüm yer tuturlar.

"TƏHSİLƏ QOYULAN VƏSAİT öLKƏMİZİN GƏLƏCƏYİNƏ 

QOYULAN VƏSAİTDİR"

İndi biz faktiki olaraq, Azərbaycanda bütün məktəb infrastrukturunu yeniləşdiririk. İndiyədək 800-ə yaxın məktəbin tikilməsi və gələcək illərdə yüzlərlə məktəbin tikintisi - bu, məktəb sahəsinin maddi-texniki bazasının yeniləşdirilməsini, təhsilin keyfiyyətini də, avadanlıqla təchizatı da təmin edir. Eyni zamanda, hesab edirəm ki, indi vaxt gəlib ki, biz mövcud məktəblərin təmirinə də daha çox vəsait ayıraq. çünki buna da böyük ehtiyac var, xüsusilə, Bakı şəhərində. Yəqin ki, bu il, gələn il Bakı şəhərində yerləşən bütün məktəblərin istilik təchizatı problemləri həll olunmalıdır. Bu, həll ediləcəkdir. Ondan sonra bütün başqa şəhər və rayonlarda da biz bunu həll etməliyik və mövcud məktəbləri də çox gözəl səviyyəyə gətirib çıxarmalıyıq.

Bu sahədə vəsaitə qənaət etməməliyik. çünki təhsilə qoyulan vəsait ölkəmizin gələcəyinə qoyulan vəsaitdir. Bütün inkişaf etmiş ölkələrin uğurlarının səbəbi də məhz ziyalı təbəqəsidir, elmi-texniki tərəqqidir, texnoloji yeniliklərdir. Biz də bu yolu seçmişik. İstəyirik ki, bizim insanlarımız, gənc nəsil bilikli, savadlı olsun və ölkəmizin inkişafında çox böyük rol oynasınlar.

 Prezident İlham Əliyevin sədrliyi ilə keçirilən Nazirlər Kabinetinin ilin birinci rübünün yekunlarına həsr edilmiş iclasındakı nitqindən.

 

Nazir Türkiyə Respublikası Yüksək öyrətim Kurulunun nümayəndə heyətini qəbul edib

Mayın 29-da Təhsil Nazirliyində Türkiyə Respublikası Yüksək öyrətim Kurulunun (YöK) nümayəndə heyəti ilə görüş keçirilib.

Görüşdə Azərbaycan-Türkiyə əlaqələrindən danışan təhsil naziri  Misir Mərdanov son illər bu istiqamətdə böyük addımlar atıldığını diqqətə çatdırıb. Nazir həmçinin diplomların tanınması, zəruri ixtisaslara tələbatın ödənilməsi, ali təhsildə proqramların uyğunlaşdırılmasından söz açıb, xüsusilə tibb, müəllim hazırlığı üzrə proqramların yaxınlığını irəli sürüb.

Sonra Misir Mərdanov türkiyəli müəllimlərin Azərbaycan universitetlərində çalışmaları imkanlarının araşdırılması məsələsinə də toxunub.

Xüsusi istedada malik uşaqların yekun seçim turu keçirildi

Hazırda respublikamızda ölkə Prezidenti cənab İlham Əliyevin sərəncamı ilə təsdiq edilmiş "Xüsusi istedada malik uşaqların (gənclərin) yaradıcılıq potensialının inkişafı üzrə Dövlət Proqramı (2006-2010-cu illər)"na uyğun olaraq əhəmiyyətli tədbirlər həyata keçirilir. Belə məqsədyönlü tədbirlərdən biri də ayrı-ayrı fənlər üzrə  fitri bacarıq və qabiliyyətə malik şagirdlərin aşkar edilməsi istiqamətində görülən  işlərdir.

   

Festivalda fərqlənənlərə mükafatlar təqdim olundu

Azərbaycan Respublikasının Təhsil Nazirliyi ilə Azərbaycan Təhsil İşçiləri Azad Həmkarlar İttifaqı Respublika Komitəsinin 19 fevral 2008-ci il tarixli birgə qərarına əsasən ümummilli lider Heydər Əliyevin anadan olmasının 85-ci ildönümünə həsr olunmuş ali məktəb tələbələrinin bədii yaradıcılıq festivalı keçirilmişdir. İki ay davam etmiş və tələbə gənclər arasından xeyli istedadı üzə çıxarmış festivalın aprel ayında yekun konserti olmuş və qaliblər müəyyənləşdirilmişdir.

   

Dərs ili yeniliklərlə yaddaqalan oldu

Artıq 2007-2008-ci dərs ili başa çatmaq üzrədir. Bu dərs ili bir sıra əlamətdar hadisələrlə zəngin olmuşdur. Bütün xalqımızla birlikdə təhsil işçiləri ümummilli liderimiz, müasir Azərbaycan Respublikasının qurucusu Heydər Əliyevin anadan olmasının 85 və Şərqdə ilk demokratik respublika olan Azərbaycan Xalq Cümhuriyyətinin 90 illik yubileylərini təntənə ilə qeyd etdilər. ölkəmizin bütün təhsil müəssisələrində rəngarəng tədbirlər - səhnəciklər, inşa yazılar, sərgilər, yarışlar, görüşlər, ekskursiyalar və s. keçirilmiş, Heydər Əliyev irsinin və Cümhuriyyət tarixinin öyrənilməsi istiqamətində, uşaqların, gənclərin vətənpərvərlik ruhunda tərbiyə edilməsi sahəsində çox dəyərli işlər görülmüşdür.

Onbirincilər iyunun 6-da mərkəzləşdirilmiş qaydada test imtahanı verəcəklər

 

İmtahanlar ölkənin 9 regionunda 52 minədək şagirdi əhatə edəcək

 

Təhsil Nazirliyinin 8 aprel 2008-ci il tarixli 426 nömrəli əmrinə müvafiq olaraq iyunun 6-da Bakı, Gəncə, Sumqayıt, Mingəçevir, Şirvan şəhərlərinin, Abşeron, İmişli, Ucar, İsmayıllı rayonlarının, həmçinin həmin şəhər və rayonların ərazisində fəaliyyət göstərən məcburi köçkün rayonlarının, bu bölgələrdəki peşə liseylərinin, habelə ali təhsil müəssisələrinin nəzdindəki ümumtəhsil məktəblərinin və bilavasitə Təhsil Nazirliyi tabeliyindəki lisey və gimnaziyaların XI (XII) sinif şagirdləri cavab kartı tətbiq edilməklə və nəticələri nazirlikdə yoxlanılmaqla test sualları əsasında mərkəzləşdirilmiş qaydada buraxılış imtahanları verəcəklər.

Uşaqlar bizim sevincimizdir

Bakıdakı  10 nömrəli körpələr evi-uşaq bağçasında 1 İyun Uşaqları Beynəlxalq Müdafiə Gününə həsr edilmiş "Uşaqlar bizim sevincimizdir" adlı şənlik keçirildi. öncə uşaqların ifasında Azərbaycan Respublikasının Dövlət himni səsləndirildi. Sonra bağçanın müdiri Validə Rzayeva uşaqları əlamətdar gün münasibətilə təbrik edib, körpələrimizi gələcəyə açılan mavi sabahın büllur aynaları adlandırdı.

 

Bir-birindən maraqlı çıxış edən körpələr şeirlər söylədilər,mahnılar oxuyub,səhnəciklər göstərdilər. Səadət Abdinovanın müşayiəti ilə ətrafa yayılan musiqi  nömrəsi, eləcə də  balaca fidanların - Lətifə, Nərminə, Fatimə, Sevinc, Səbinə  və Tamaranın  "Tərəkəmə", "Yallı", "Nəlbəki"  rəqsləri şənliyi daha da rövnəqləndirdi. Onlar dünya xalqlarının  rəqs nümunələrindən  də parçalar nümayiş etdirdilər.

Səkkizinci Bakı Kitab Bayramı

Yeni Yazarlar və Sənətçilər Qurumunun təşkilatçılığı, Azərbaycan Respublikası Gənclər və İdman Nazirliyinin maliyyə dəstəyi, eləcə də Mədəniyyət və Turizm Nazirliyi, Azərbaycan Yazıçılar Birliyi İQƏAİM-in təşkilat-texniki yardımı ilə bu ilin mart-iyun ayını əhatə edən VIII Bakı Kitab Bayramı - milli kulturoloji layihə həyata keçirilir.

 Layihə çərçivəsində sərgi, ilin mədəniyyət, ədəbiyyat və kitab hadisələrini əhatə edən Milli Kulturoloji müsabiqə, görüşlər, müzakirələr və başqa tədbirlər təşkil olunur.

VIII Bakı Kitab Bayramı - Milli Kulturoloji Mükafat Komissiyası üzvlərinin son toplantısında müsabiqəyə təqdim olunmuş çoxsaylı (300-dən artıq) ədəbi-mədəni və kitab nəşr layihələrinin sırasında 33 iş uğurlu sayılmış, qaliblərin mükafatlandırılması qərara alınmışdır.

Mayın 26-da M.F.Axundov adına Milli Kitabxanada VIII Bakı Kitab Bayramı, Milli Kulturoloji layihənin əsas mərasimi - sərgi, ədəbi-mədəni ictimaiyyətin görüşü və mükafatlandırma yığıncağı keçirilmişdir. Builki mərasim Azərbaycan Xalq Cümhuriyyətinin 90, həmçinin xalq yazıçısı Mir Cəlalın (Paşayev) 100 illik yubileyinə həsr olunub.