Ana səhifə Seçilmişlərə əlavə et Bizə yazın

     
 
 XƏBƏRLƏR
 
 
 
RƏSMİ
 
 
 HEYDƏR ƏLİYEV FONDU
 
 
 
QANUNVERİCİLİK
 
 
 
TƏHSİL NAZİRLİYİNDƏ
 
 
 
PEDAQOJİ YAZILAR
 
 
 MÜSAHİBƏLƏR
 
 
 
İDMAN
 
 
 
FOTOQALEREYA
 
 
 ARXİV
 
 
 ƏLAQƏ

 
 

Azərbaycan təhsili: yaxın keçmişə, bu günə və gələcəyə bir baxış
 

Dünya universitetləri

internetdə

saytda

 

Fotoqalereya

 
 
 
 
 
 
 
 
 

ARXİV

6 Noyabr 2009 - ¹43

 

Təhsil ocağının 15 illik yubileyi qeyd olundu

 

Noyabrın 3-də Azərbaycan Beynəlxalq Universitetində bu təhsil müəssisəsinin yaranmasının 15 illiyinə həsr olunmuş təntənəli yubiley mərasimi keçirildi.

ABU-nun Moskva filialı ilə təşkil olunmuş tədbirdə, eyni zamanda Azərbaycan Respublikası 12 Noyabr Konstitusiya Günü "İnsan hüquqlarına dair ümumi Bəyannamə"nin qəbul edilməsinin ildönümü də qeyd olundu.

Mərasimdə ABU-nun rektoru, professor Elşad Abdullayev çıxış edərək bildirdi ki, 15 illik yubiley hər bir universitetin həyatında əlamətdar hadisədir.O qeyd etdi ki, mərkəzində ümummilli liderimiz Heydər Əliyevin əzəmətli heykəli ucalan Azərbaycan Beynəlxalq Universiteti fəaliyyəti dövründə sürətli inkişaf yolu keçib. Hazırda universitetdə respublikada həyata keçirilən təhsil islahatının tələblərinə müvafiq olaraq maddi-texniki bazanın möhkəmləndirilməsi, təhsilin məzmununun təkmilləşdirilməsi, professor-müəllim heyəti və tələbə kollektivinin mənəvi-psixoloji mühitinin daha da yaxşılaşdırılması qarşıdakı fəaliyyət dövrünün əsas vəzifələri hesab edilir. Universitetin 28 fakültəsində fəaliyyət göstərən 57 kafedrada yüksək intellektual potensiala malik professor-müəllim heyəti çalışır. Bütün kollektiv Prezident İlham Əliyevin Azərbaycanın elm və təhsilinə, ziyalı ordusuna diqqət və qayğısına cavab olaraq çoxşaxəli yaradıcılıq axtarışlarını əzmlə davam etdirir, sosial-iqtisadi, humanitar, texniki və s. sahələr üzrə müasir düşüncəyə, yeni təlim-tərbiyə texnologiyaları və innovasiyalarına, yüksək mənəvi və peşə-ixtisas hazırlığına malik kadrlar hazırlamağı özünün başlıca məqsəd və vəzifəsi hesab edir.

Sonra çıxış üçün söz Rusiya Federasiyasının Azərbaycandakı fövqəladə və səlahiyyətli səfiri Vladimir Doroxinə verildi. Mərasimə dəvət edildiyinə görə təşəkkürünü bildirən səfir yubiley münasibətilə Azərbaycan Beynəlxalq Universitetinin rəhbərliyini, professor-müəllim heyətini və tələbələri təbrik etdi, onlara ən xoş arzularını çatdırdı. Vladimir Doroxin Azərbaycanda olduğu müddətdə ölkəmizlə yaxından tanışlığa imkan tapmasa da, gördüyü təhsil müəssisələri haqqında çox yüksək fikirdə olduğunu dedi. O, Azərbaycan Respublikasının Prezidenti cənab İlham Əliyevin elm və təhsilə daim xüsusi diqqət və qayğı ilə yanaşmasını, ölkəmizdə təhsil sahəsinə digərlərinə nisbətən daha artıq dövlət vəsaiti ayrılmasını təqdirəlayiq hal kimi dəyərləndirdi.

Rusiya Federasiyasının ölkəmizdəki fövqəladə və səlahiyyətli səfiri V.Doroxin daha sonra qeyd etdi ki, biz 70 ildən artıq bir müddətdə eyni ölkədə yaşamışıq. Məhz bu səbəbdən ölkələrimiz və xalqlarımız arasında  hələ də müxtəlif sahələrdə möhkəm əlaqələr mövcuddur. Hazırda Rusiyada 5 mindən artıq azərbaycanlı təhsil alır. Biz bununla fəxr edirik və azərbaycanlılara verilən təqaüdlərin sayını artırmağa çalışırıq.

Təhsil sahəsində əməkdaşlıq əlaqələrinin inkişaf etdirilməsinin əhəmiyyətindən bəhs edən səfir bu istiqamətdə bir sıra tədbirlərin həyata keçirilməsinin zəruriliyini vurğuladı. Azərbaycan Beynəlxalq Universitetinin Moskvada filialı açılmış ilk təhsil müəssisəsi olduğunu dedi və filialın 4 illik fəaliyyətindən söz açdı.

Azərbaycan Beynəlxalq Universitetinin prorektoru, pedaqoji elmlər doktoru, akademik Hüseyn Əhmədov tədbirdə "Azərbaycan-Rusiya elmi-pedaqoji əlaqələrinin intensivləşdirilməsində ABU-nun rolu" mövzusunda məruzə ilə çıxış etdi. Məruzədə iki ölkə arasında tarixən mövcud olan elmi-pedaqoji əlaqələrdən, bu əlaqələrin yaranmasında xidmətləri olan ziyalılar və böyük şəxsiyyətlərdən söz açıldı, ABU-da bu istiqamətdə görülən işlər haqqında ətraflı məlumat verildi və ayrı-ayrı sənədlər mərasim iştirakçılarının diqqətinə çatdırıldı. ABU-nun rektoru Elşad Abdullayev yubiley mərasimində Moskva filialının "Vestnik" jurnalının 12 Noyabr Konstitusiya Gününə və "İnsan hüquqlarına dair ümumi Bəyannamə"nin qəbul edilməsinin ildönümünə həsr olunmuş xüsusi buraxılışını nümayiş etdirdi. Qeyd olundu ki, bu jurnalda azərbaycanlı və rusiyalı hüquqşünasların insan hüquqlarının mühafizəsi, bununla bağlı hüquq normaları və s. haqqında çoxsaylı məqalələri dərc olunmuşdur. Sonra filialın direktoru, professor V.T.Tatarenko "Vətəndaşların hüquqlarının "İnsan hüquqlarına dair ümumi Bəyannamə" əsasında mühafizəsi" mövzusunda məruzə etdi.

Mərasim təbrik nitqləri ilə davam etdi. çıxış edənlər universitetin kollektivini yubiley münasibətilə təbrik edərək gələcək fəaliyyətlərində nailiyyətlər arzuladılar. ABU-nun ümumtəhsil məktəbinin və məktəbəqədər tərbiyə müəssisəsinin yetirmələrinin çıxışı tədbir iştirakçılarının böyük marağına səbəb oldu. Mərasimdə yubilyarlara mükafatlar, fəxri fərmanlar, hədiyyələr və gül dəstələri təqdim olundu.

Sonda professor-müəllim heyəti, tələbələr və qonaqlar ümummilli lider Heydər Əliyevin universitetin həyətində ucalan heykəli qarşısında  xatirə şəkli çəkdirdilər. 

Hicran ƏKBƏROVA

 
Səhifənin başına qalx Nömrənin müdəricatına dön

Səhifənin başına qalx

 

HEYDƏR ƏLİYEV

İLHAM ƏLİYEV

MEHRİBAN ƏLİYEVA

HEYDƏR ƏLİYEV
FONDU

AZƏRBAYCAN RESPUBLİKASI TƏHSİL NAZİRLİYİ

 
6 Noyabr 2009 - ¹43
V.M.Məmmədəliyevin "Şərəf" ordeni ilə təltif edilməsi haqqında Azərbaycan Respublikası Prezidentinin Sərəncamı
 
F.F.Qasımzadənin "İstiqlal" ordeni ilə təltif edilməsi haqqında Azərbaycan Respublikası Prezidentinin Sərəncamı
 
Bakı Dövlət Universitetinin əməkdaşlarının "Şöhrət" ordeni ilə təltif edilməsi haqqında Azərbaycan Respublikası Prezidentinin Sərəncamı
 
Azərbaycan Respublikası Prezidentinin fərdi təqaüdlərinin verilməsi haqqında Azərbaycan Respublikası Prezidentinin Sərəncamı
 
Bakı Dövlət Universitetinin əməkdaşlarına fəxri adların verilməsi haqqında Azərbaycan Respublikası Prezidentinin Sərəncamı
 
Bakı Dövlət Universitetinin əməkdaşlarının "Tərəqqi" medalı ilə təltif edilməsi haqqında Azərbaycan Respublikası Prezidentinin Sərəncamı
 
Bakı Dövlət Universitetinin 90 illik yubileyi keçirildi
 
Heydər Əliyev Fondunun təşəbbüsü ilə Ağsuda inşa olunacaq Uşaq-Gənclər Bədii Yaradıcılıq Məktəbinin təməli qoyulub
 
Malayziya universitetlərinin növbəti sərgisi keçirildi
 
"Qaynar xətt" xidmətinə sentyabr-oktyabr aylarında 62 müraciət daxil olub
 
Azərbaycan təhsili: yaxın keçmişə, bu günə və gələcəyə bir baxış
 
Azərbaycan-Almaniya təhsil əlaqələri genişlənir
 
2008-2009-cu dərs ilində mərkəzləşdirilmiş qaydada keçirilmiş buraxılış imtahanlarının nəticələri barədə
 
Təhsil ocağının 15 illik yubileyi qeyd olundu
 
Bölgələrdə peşə təhsilinə diqqət artır
 
Donuz qripindən necə qorunmalı?
 
Şahmat ənənələrini layiqincə davam etdirən məktəb
 
"Mənəviyyat və narkomaniya" mövzusunda tədbir keçirilib
 
Çikaqo Universiteti
 

2007 - 2015-ci illərdə Azərbaycan gənclərinin xarici ölkələrdə təhsil üzrə
DÖVLƏT PROQRAMI

Azərbaycan Respublikasında texniki peşə təhsilinin inkişafı üzrə
DÖVLƏT PROQRAMI

Azərbaycan Respublikası Təhsil Nazirliyi
KURİKULUM PORTALI

Azərbaycan Respublikası
TƏHSİL PORTALI

 

Copyright 2010 ©  All Rights Reserved.
Created and supported by
Mehman Shafagatov