Bu günlərdə Bakı məktəblilərinin XXII spartakiadası çərçivəsində qızlar arasında voleybol yarışları keçirilib. Turnir Bakıdakı 64 nömrəli orta məktəbdə təşkil edilib. Bu yarışlarda Bakı şəhər məktəblilərindən ibarət 11 komanda iştirak edib.

Gərgin və maraqlı mübarizə şəraitində keçən voleybol yarışında Bakı şəhərindəki 221 nömrəli orta məktəbin komandası birinci, 244 nömrəli orta məktəbin voleybolçuları ikinci, 26 nömrəli orta məktəbin idmançıları isə üçüncü yeri tutublar. Qalib komandalara Bakı Şəhər Gənclər və İdman Baş İdarəsi tərəfindən xatirə hədiyyələri və diplomlar verilib.