Bakıdakı 124 nömrəli orta məktəbdə istedad və zəhmət hesabına qazandığı uğurlarla həmyaşıdlarından seçilən şagirdlər çoxdur. Hazırda məktəbin VIII "B" sinfində idman sahəsində fərqlənən 3 istedadlı şagird təhsil alır.

Cəlal Camallı, Nurəddin Qədəşov, Elşad Xanlarov 2006-cı ildən 16 nömrəli Uşaq-Gənclər İdman Məktəbində güləşin sambo növü ilə məşğul olur. Məşqçi-müəllim Kənan Xəlilov şagirdlərinə bu idman növünün incəliklərini öyrədir və onların nailiyyətlər qazanmaları üçün əzmlə çalışır.

Bu günə kimi keçirilən müxtəlif yarışlarda Cəlal 14, Nurəddin 9, Elşad isə 8 dəfə diplom, fəxri  fərman və medallarla təltif olunublar.

Hazırda Bakı çempionatına hazırlaşan yeniyetmə idmançılar yalnız qalib gəlmək haqda düşünür və bu yolda yorulmadan çalışırlar. 

Zülfiyyə NİFTALIYEVA,
Bakıdakı 124 nömrəli orta məktəbin tarix müəllimi