Ana səhifə Seçilmişlərə əlavə et Bizə yazın

     
 
 XƏBƏRLƏR
 
 
 
RƏSMİ
 
 
 HEYDƏR ƏLİYEV FONDU
 
 
 
QANUNVERİCİLİK
 
 
 
TƏHSİL NAZİRLİYİNDƏ
 
 
 
PEDAQOJİ YAZILAR
 
 
 MÜSAHİBƏLƏR
 
 
 
İDMAN
 
 
 
FOTOQALEREYA
 
 
 ARXİV
 
 
 ƏLAQƏ

 
 

Azərbaycan təhsili: yaxın keçmişə, bu günə və gələcəyə bir baxış
 

Dünya universitetləri

internetdə

saytda

 

Fotoqalereya

 
 
 
 
 
 
 
 
 

ARXİV

4 İyun 2010 - 21

 

Uşaqların müdafiəsi daim diqqət mərkəzindədir

Bookmark and Share

İyunun 1-də Təhsil Nazirliyində 1 İyun Uşaqları Beynəlxalq Müdafiə Gününə həsr olunmuş tədbir keçirildi.

Təhsil naziri Misir Mərdanov tədbiri giriş sözü ilə açaraq öncə bu günün tarixi barədə məlumat verdi. Qeyd olundu ki, 1950-ci il iyunun 1-də BMT Baş Assambleyası tərəfindən təşkil olunan Qadınların Beynəlxalq Konfransında uşaq hüquqlarının təmin edilməsi ilə bağlı səslənən təkliflərə əsasən 1 iyun tarixini uşaqların beynəlxalq müdafiəsinə həsr etmək qərara alınıb.  Bundan sonra 1 İyun Uşaqları Beynəlxalq Müdafiə Günü kimi tarixə düşmüşdür. Dünyanın əksər ölkələrində olduğu kimi, həmin gün Azərbaycanda da qeyd olunur.

Nazir ölkəmizdə uşaqların rifahının yüksəldilməsi ilə bağlı məsələləri dövlət başçısı cənab İlham Əliyevin daim diqqət mərkəzində saxladığını xüsusi qeyd etdi. Təhsil naziri bildirdi ki, ümummilli liderimiz Heydər Əliyevin uşaqların müdafiəsi sahəsində qoyduğu ənənələr bu gün Azərbaycan Respublikasının Prezidenti cənab İlham Əliyev və ölkənin birinci xanımı, Heydər Əliyev Fondunun prezidenti, YUNESKO və İSESKO-nun xoşməramlı səfiri, millət vəkili Mehriban xanım Əliyeva tərəfindən uğurla davam etdirilir. Nazir son illər uşaqların hüquqlarının qorunmasına yönəlmiş bir sıra proqramların həyata keçirildiyini söylədi.  Belə mühüm proqramlardan biri olan "Azərbaycan Respublikasında dövlət uşaq müəssisələrindən uşaqların ailələrə verilməsi (de-institutlaşdırma) və alternativ qayğı Dövlət Proqramı (2006-2015-ci illər)"ndan ətraflı söz açan təhsil naziri  bu istiqamətdə görülən işləri tədbir iştirakçılarının diqqətinə çatdırdı. Adıçəkilən proqramdan irəli gələn vəzifələrin bir sıra dövlət və beynəlxalq qurumlarla sıx əməkdaşlıq çərçivəsində həyata keçirildiyi qeyd olundu. Nazir Misir Mərdanov daha sonra  cari ilin fevralında yaradılmış "Azərbaycan Uşaq Qaynar Xətt" xidmətinin fəaliyyətinə də toxunaraq onu ölkəmizdə uşaqların müdafiəsi istiqamətində atılan mühüm addım kimi dəyərləndirdi. "Azərbaycan Uşaq Qaynar Xətt"in əhəmiyyətindən danışan nazir bu xidmətin yaradılmasında, onun təşkilində Təhsil Nazirliyinə dəstək olan bütün ictimai qurumlara, təşkilat və şirkətlərə öz təşəkkürünü bildirdi.

Çıxış üçün söz alan YUNİSEF-in Azərbaycandakı nümayəndəsinin müavini Rəşid Mustafa təmsil etdiyi təşkilatla Təhsil Nazirliyi arasında mövcud olan əməkdaşlıqdan razılıq hissi ilə danışdı.

Azərbaycanda uşaq hüquqlarının müdafiə olunması mexanizmləri və alternativ qayğı xidmətlərinin yaradılması sahəsində çox böyük işlərin görüldüyünü söyləyən  Rəşid Mustafa bunu yüksək qiymətləndirdi. R.Mustafa YUNİSEF-lə Təhsil Nazirliyinin ölkəmizdə uşaqların hüquqlarının qorunması, sağlamlığı və inkişafı sahəsində olduqca vacib olan birgə layihələr həyata keçirdiyini deyərək əldə olunan müsbət nəticələri diqqətə çatdırdı. "Azərbaycan Respublikasında dövlət uşaq müəssisələrindən uşaqların ailələrə verilməsi (de-institutlaşdırma) və alternativ qayğı Dövlət Proqramı (2006-2015-ci illər)" çərçivəsində görülən işlərin təqdirəlayiq olduğunu bildirən Rəşid Mustafa Təhsil Nazirliyinin nəzdində De-institutlaşma və Uşaqların Müdafiəsi İdarəsinin yaradılmasını bu sahəyə olan diqqətin bariz nümunəsi kimi səciyyələndirdi. Çıxışının sonunda təmsil etdiyi təşkilatla Təhsil Nazirliyi arasındakı işgüzar əməkdaşlığın bundan sonra da davam etdiriləcəyini qeyd etdi.

Sonra "Azərbaycan Uşaq Qaynar Xətt" xidmətinin rəhbəri Cəmilə Tağıyeva xidmətin  fəaliyyətinə, gördüyü işlərə dair məruzə-təqdimat ilə çıxış etdi. Qeyd olundu ki, "Azərbaycan Uşaq Qaynar Xətt" xidmətinin (480-22-80, (050) 680-22-80, (051) 880-11-80) yaradılmasında əsas məqsəd problemlərlə üzləşmiş hər bir uşağa psixoloji yardım, emosional dəstək, onun üzləşdiyi çətinliklərin və problemlərin həllinə dair məsləhətlər vermək, uşaqların müraciətlərinin digər müvafiq xidmətlərə yönəldilməsini təmin etmək və təxirəsalınmaz köməyin göstərilməsidir. "Azərbaycan Uşaq Qaynar Xətt" xidmətindən dövlət uşaq müəssisələrində olan, küçədə yaşayan və işləyən, istismara və zorakılığa məruz qalan, psixoloji və emosional problemlərlə üzləşən, fiziki və əqli cəhətdən imkanları məhdud olan, habelə böhranlı ailələrdən  çıxmış, hüquqları pozulmuş, xüsusi qayğıya  və müdafiəyə ehtiyacı olan uşaqlar istifadə edə bilərlər. Eyni zamanda "qaynar xətt"ə uşaq məsələləri ilə bağlı valideynlər, fəaliyyəti uşaqların təhsili və tərbiyəsi ilə bağlı olan  mütəxəssislər də zəng edib məsləhət ala bilərlər.

Cəmilə Tağıyeva daha sonra tədbir iştirakçılarına "Azərbaycan Uşaq Qaynar Xətt" xidmətinin vəzifələri, səciyyəvi xüsusiyyətləri, əsas iş prinsipi, burada çalışan işçi heyəti, bu işə dəstək verən təşkilatlar  barədə ətraflı məlumat verdi. O, cari ilin fevralından bu günə kimi "qaynar xətt" xidmətinə 265 müraciətin  daxil olduğunu bildirdi. Onu da qeyd etdi ki, aparılan təhlil nəticəsində müraciətlərin psixoloji, sosial, hüquqi, təhsil və tibbi sahələrdə olan problemlərlə bağlı olduğu müəyyən edilmişdir. Adıçəkilən sahələr üzrə  müraciət edənlərlə bağlı statistik rəqəmləri tədbir iştirakçılarının nəzərinə çatdıran C.Tağıyeva həmin şəxslərə ehtiyaclarına uyğun xidmətlərin göstərildiyini dedi. Xidmətin rəhbəri daha sonra aparılmış digər  təhlillər  və nəticələr barədə açıqlama verdi. Məruzə-təqdimatda həmçinin "Azərbaycan Uşaq Qaynar Xətt" xidmətinin perspektiv planları  haqqında da geniş məlumat verildi. Qeyd olundu ki, yaxın müddətdə xidməti genişləndirərək Bakının 11 rayonunu əhatə etməsi, daim  artan zəngləri itirməmək və uşaqları xətdə çox gözlətməmək üçün operatorların və telefon nömrələrinin  sayının artırılması və digər həlli vacib məsələlərin həyata keçirilməsi nəzərdə tutulur. "Azərbaycan Uşaq Qaynar xətt" xidmətinin fəaliyyəti barədə ətraflı danışan C.Tağıyeva bu xidmətin ölkəmizdə müdafiəyə ehtiyacı olan hər bir uşağa yardım göstərməyə hazır olduğunu söylədi.

Sonra tədbir iştirakçıları "Azərbaycan Uşaq  Qaynar  Xətt" xidmətinin səmərəliliyinin artırılması ilə bağlı müvafiq təkliflərlə çıxış etdilər.

Tədbiri təhsil naziri Misir Mərdanov yekunlaşdıraraq "Azərbaycan Uşaq Qaynar Xətt" xidmətinin fəaliyyəti ilə bağlı  öz fikir və mülahizələrini bildirdi, iştirakçılara bir sıra  tövsiyələr verdi. 

Samirə KƏRİMOVA

 
Səhifənin başına qalx Nömrənin müdəricatına dön"Təhsil nazirliyində" bölməsinə get

Səhifənin başına qalx

 

HEYDƏR ƏLİYEV

İLHAM ƏLİYEV

MEHRİBAN ƏLİYEVA

HEYDƏR ƏLİYEV
FONDU

AZƏRBAYCAN RESPUBLİKASI TƏHSİL NAZİRLİYİ

 

4 İyun 2010 - 21

Mirzə Ələkbər Sabirin 150 illik yubileyinin keçirilməsi haqqında Azərbaycan Respublikası Prezidentinin Sərəncamı
 
2008-ci il iyunun 19-da Bakı şəhərində imzalanmış "Azərbaycan Respublikası Hökuməti və Amerika Birləşmiş Ştatları Hökuməti arasında təhsil sahəsində əməkdaşlıq haqqında Saziş"in təsdiq edilməsi barədə Azərbaycan Respublikası Prezidentinin Sərəncamı
 
2010-cu il aprelin 7-də Tallin şəhərində imzalanmış "Azərbaycan Respublikasının Təhsil Nazirliyi və Estoniya Respublikasının Təhsil və Tədqiqat Nazirliyi arasında təhsil və tədqiqat sahələrində əməkdaşlıq haqqında Saziş"in təsdiq edilməsi barədə Azərbaycan Respublikası Prezidentinin Sərəncamı
 
2010-cu il martın 9-da Bakı şəhərində imzalanmış "Azərbaycan Respublikasının Təhsil Nazirliyi, Azərbaycan Respublikasının Əmək və Əhalinin Sosial Müdafiəsi Nazirliyi, Azərbaycan Respublikasının Ailə, Qadin və Uşaq Problemləri üzrə Dövlət Komitəsi və Birləşmiş Millətlər Təşkilatının Uşaq Fondu (UNICEF) arasında "Uşaqların ailələrə verilməsi və alternativ qayğı ilə əhatə olunması mexanizminin yaradılması" layihəsinin həyata keçirilməsi üçün birgə əməkdaşlıq haqqında Anlaşma Memorandumu"nun təsdiq edilməsi barədə Azərbaycan Respublikası Prezidentinin Sərəncamı
 
Buraxılış imtahanlarından azadolunma barədə Azərbaycan Respublikası təhsil nazirinin əmri
 
Ali və orta ixtisas təhsili müəssisələrində 2009-2010-cu tədris ilinin yay imtahan sessiyasının təşkili və keçirilməsi haqqında Azərbaycan Respublikası təhsil nazirinin əmri
 
Ölkə məktəblərində "son zəng" çalındı
 
Hamını kövrəldən an
 
Bakıdakı 20 nömrəli məktəbdə möhtəşəm məzun günü keçirildi
 
Liseyin builki məzunları ötənilki uğuru təkrar etmək fikrindədirlər
 
Şirvan şəhərində müşavirə
 
Təhsil Nazirliyində buraxılış imtahanları ilə bağlı iclas keçirilib
 
Uşaqların müdafiəsi daim diqqət mərkəzindədir
 
Azərbaycan təhsili: yaxın keçmişə, bu günə və gələcəyə bir baxış
 
Müdrikliklə  əməksevərlik  qovuşanda
 
Buraxılış imtahanlarına start verildi
 
Bəxtiyar Vahabzadənin 85 illik yubileyi qeyd olundu
 
Uşaqlar üçün bayram tədbiri
 
"Təhsilin əsasları" fənni müəllim hazırlığına verilən müasir tələblər baxımından
 
Azərbaycan Respublikasının ümumtəhsil məktəbləri  üçün ümumi tarix fənni kurikulumu (VI-XI siniflər)
 
Mahnı teatrında musiqili kompozisiya
 
Səhnəciklər bayram əhvalını yüksəltdi
 
O, yaşıdları arasında ən güclü şahmatçı kimi tanınır
 
Fəridin uğurları
 
Azərbaycanın Milli Qəhrəmanları
 
Dünya universitetləri: Sidney Universiteti
 

2007 - 2015-ci illərdə Azərbaycan gənclərinin xarici ölkələrdə təhsil üzrə
DÖVLƏT PROQRAMI

Azərbaycan Respublikasında texniki peşə təhsilinin inkişafı üzrə
DÖVLƏT PROQRAMI

Azərbaycan Respublikası Təhsil Nazirliyi
KURİKULUM PORTALI

Azərbaycan Respublikası
TƏHSİL PORTALI

 

Copyright 2010   All Rights Reserved.
Created and supported by
Mehman Shafagatov