Bakı Avrasiya Universitetinin yaranmasının 18 illiyi münasibəti ilə Rəşid Behbudov adına Mahnı Teatrında keçirilmiş tədbirdə Təhsil Nazirliyi, Gənclər və İdman Nazirliyinin, həmçinin TÜRKSOY-un nümayəndələri, müxtəlif ali təhsil müəssisələrinin rəhbərləri iştirak etmişlər. Mərasimdə çıxış edən natiqlər təhsil ocağının tarixinə nəzər salmış, 18 il ərzində əldə edilən uğur və nailiyyətlərdən bəhs etmişlər. 

Qeyd edildi ki,  universitet hazırda Dünya Diplomatiya Akademiyaları və Beynəlxalq Münasibətlər Universitetləri Birliyi, Mərkəzi və Şərqi Avropa Beynəlxalq Tədqiqatlar Birliyi, MDB ölkələri Beynəlxalq Münasibətlər Universiteti Assosiasiyasi, Qara dəniz hövzəsi  Universitetləri Birliyinin üzvüdür. Dünyanın 25-dən çox ölkəsinin (ABŞ, Böyük Britaniya, Fransa, Almaniya, Türkiyə, Yaponiya, Rusiya və s.)  qabaqcıl ali məktəbləri ilə tələbə, müəllim və təcrübə mübadiləsi aparılır.

Tədbirdə xalq şairi Bəxtiyar Vahabzadənin  "Özümüzü kəsən qılınc"  əsəri göstərilmiş, konsert səsləndirilmişdir.

Rüstəm RAMAZANOV,
Bakı Avrasiya Universitetinin IV kurs  tələbəsi