Bakıdakı 236 nömrəli orta ümumtəhsil məktəbinin
əsas korpusunda Heydər Əliyev Fondunun dəstəyi
ilə əsaslı təmir işləri aparılır. 1966-cı ildə
istifadəyə verilən təhsil ocağının əsas binası
bu günə kimi təmir olunmayıb. Bina 840 şagird
yerlikdir. Məktəbin direktoru Xanlar İmaməliyev
bildirdi ki, hazırda işlər sürətlə aparılır.
Sinif otaqlarının qapı və pəncərələri
yenilənib, işıqlandırma və elektrik işləri
görülüb. Məktəb direktoru bu işdə Səbail Rayon
İcra Hakimiyyətinin də diqqətindən, nəzarətindən
danışaraq təhsil ocağında əsaslı təmir işlərinin
yeni dərs ilinə tamamlanacağını dedi.
Rəşad ZİYADOV |