Bakı
Dövlət Universitetinin Altıağac tədris-təcrübə
bazasında Elmi Şurasının iclası keçirilib.
Rektor, millət vəkili, akademik Abel Məhərrəmov
çıxışında xalqımızın ümummilli lideri Heydər
Əliyevin elmə, təhsilə daim böyük önəm
verdiyindən, ulu öndərin siyasətinin Prezident
İlham Əliyev tərəfindən uğurla davam
etdirildiyindən bəhs edib, dövlət başçısının
təhsilin və elmin inkişafı ilə bağlı imzaladığı
sənədlərin əhəmiyyətindən danışıb. Rektor
Boloniya prosesinin tələblərinə uyğun olaraq
BDU-da həyata keçirilmiş tədbirlərdən, əldə
olunmuş nailiyyətlərdən, universitetin
beynəlxalq əlaqələrindən də söz açıb. BDU-nun
tədris işləri üzrə prorektoru, professor Vüsət
Əfəndiyev 2009-2010-cu tədris ilinin yay imtahan
sessiyasının, dövlət imtahanlarının nəticələri,
tədris təcrübələri barədə ətraflı məlumat verib.
Məlum olub ki, tələbələr yay imtahan sessiyası
və dövlət imtahanlarında uğurlu göstəricilər
əldə ediblər. Çıxışlardan sonra tədris ilinin
yekunları üzrə "İlin müəllimi, "İlin kafedra
müdiri", "İlin dekanı" müsabiqələrinin
qaliblərinə mükafatlar təqdim olunub, elm və
təhsildə fərqlənən alim və müəllimlər elmi
adlara layiq görülüblər. Elmi Şuranın iclasında
YAP sədrinin müavini-icra katibi, BDU-nun
kafedra müdiri Əli Əhmədov professor elmi adına
layiq görülüb.
Şakir CƏFƏROV |