Nəsimi
rayonunda yerləşən 132 nömrəli körpələr evi-uşaq
bağçasında 8 qrupda 177 uşaq tərbiyə olunur.
Onlardan 49-u 2010-2011-ci dərs ilində ilk dəfə
əlinə çanta alıb məktəbə gedəcək. Bu münasibətlə
tərbiyə ocağında "Əlvida, bağça, salam, məktəb"
adı altında tədbir keçirildi. Tədbirdə Təhsil
Nazirliyindən, Bakı Şəhəri üzrə Təhsil
İdarəsindən, yerli icra hakimiyyətindən
nümayəndələr, valideynlər və digər qonaqlar
iştirak edirdilər.
Tədbiri giriş sözü ilə 132 nömrəli körpələr
evi-uşaq bağçasının müdiri Kəmalə Əliyeva
açaraq balaca fidanları və onların
valideynlərini təbrik etdi. Bağçanın zövqlə
bəzədilmiş akt zalında tədbir iştirakçıları
alqışlarla balacaları səhnəyə dəvət etdilər.
Fidan məzunlar bir-birindən maraqlı rəqs
nömrələri, səhnəciklər göstərərək, şeirlər
söyləyərək həmin günü unudulmaz xatirəyə
çevirdilər.
Mərasimin sonunda balaca məzunlar "Əlvida bağça"
şeiri ilə tərbiyə ocağına və müəllimlərinə
əlvida dedilər.
Rəşad ZİYADOV |