Bu il Goranboy rayonunda 4 yeni məktəb binası inşa edilir. Heydər Əliyev Fondunun təşəbbüsü ilə şəhər 3 nömrəli orta məktəb üçün tikilən 420 yerlik və Təhsil Nazirliyinin vəsaiti ilə Rus Borisi kəndində inşa edilən 180 yerlik məktəb binalarında son tamamlama işləri görülür. Azad kəndində 80 yerlik, Tatarlı kəndində isə 120 yerlik məktəb binalarında inşaat işləri sürətlə davam etdirilir.

Rayon təhsil şöbəsindən AzərTAc-a verilən məlumatda bildirilir ki, yeni dərs ilində iki məktəbdə əsaslı təmir işləri aparılmışdır. Rayonun Xəsədərli kəndindəki orta, Qaradağlı kəndində isə ibtidai məktəblər uzun illər qəzalı vəziyyətdə idi. Həmin tədris ocaqlarında artıq əsaslı təmir işləri başa çatdırılmışdır. Məktəblərdə müasir standartlara uyğun tədris şəraiti yaradılmışdır.

Hazırda tədris ocaqlarının yeni inventarlarla təmin edilməsi üçün təşkilati işlər görülür.