BDU-nun rektoru, akademik Abel Məhərrəmov Polşa Dövlət Vrotslav (Wroclaw) Universitetinin rektoru, professor Roman Kolaczın rəhbərlik etdiyi nümayəndə heyəti ilə görüşüb. Qonaqları BDU-da görməkdən məmnunluğunu ifadə edən Abel Məhərrəmov universitetlə bağlı onları maraqlandıran məsələlərdən danışıb. Roman Kolacz da məlumat verərək bildirib ki, rəhbərlik etdiyi universitetdə 11 min tələbə var və əsasən ekoloji problemlər, kənd təsərrüfatı, geodeziya, kartoqrafiya, biologiya, biotexnologiya və s. ixtisaslar tədris olunur. Görüşdə qarşılıqlı maraq doğuran bir sıra məsələlər müzakirə olunub. Qərara alınıb ki, universitetlər birgə qrant və layihələr, nanotexnologiya, immunologiya, biotexnika sahəsində əməkdaşlıq etsin, tələbə, aspirant və müəllim mübadiləsi həyata keçirsinlər. Görüş bu  məsələləri özündə əks etdirən əməkdaşlıq protokolunun imzalanması ilə başa çatıb.

Pərvanə İBRAHİMOVA