Xüsusi qayğıya ehtiyacı olan uşaqlarla
keçirilən psixo-sosioloji bərpa - inkişaf
tədbirlərinin davamı olaraq yay mövsümündə əlil,
valideyn himayəsindən məhrum və aztəminatlı
ailələrdən olan uşaqlar üçün Yay Sağlamlıq
Düşərgəsi təşkil edilir. Qusar rayonunun Yasab
kəndində təşkil edilən Yay Sağlamlıq
Düşərgəsində hazırda 2 nömrəli valideyn
himayəsindən məhrum olmuş uşaqlar üçün
internat-məktəbin və "Oriqami" qeyri-hökumət
təşkilatının himayəsində olan 42 uşaq və
yeniyetmə dincəlir.
Onlara 11 nəfərdən ibarət pedaqoji və texniki
heyət xidmət göstərir.
Təlim, əyləncəli oyunlar və mütəhərrik komanda
yarışları uşaqlarda xoş əhval-ruhiyyə yaradır,
onların ahəngdar inkişafına yardım edir.
Müntəzəm olaraq uşaq və yeniyetmələr üçün ətraf
ərazilərə maraqlı ekskursiyalar təşkil edilir,
onlar təbiətin gözəlliklərini seyr edirlər.
Namiq NƏCƏFOV,
"Oriqami" uşaq və
yeniyetmələr İctimai
Birliyinin sədri |