Bakı Şəhəri üzrə Təhsil İdarəsindən aldığımız məlumata görə, paytaxtın ümumtəhsil məktəblərində hazırda 180-dək vakant müəllim yeri mövcuddur.

Gənclərin çağırışaqədərki hazırlığı rəhbərlərinə, informatika və fiziki tərbiyə müəllimlərinə daha çox ehtiyac duyulduğundan vakant yerlərin böyük qismi bu fənlər üzrədir. Mövcud vakant yerlər əsasən paytaxtın Xəzər, Sabunçu və Qaradağ rayonlarında yerləşən ümumtəhsil məktəblərindədir.

Məlumat üçün bildirək ki, müvafiq elanın verilməsi və müsabiqənin təşkili üçün vakant yerlər haqqında məlumat Təhsil Nazirliyinə təqdim olunmuşdur.

2010-2011-ci tədris ilində Bakı şəhərinin ümumtəhsil məktəblərindəki vakant yerlər haqqında məlumat  yaxın günlərdə mətbuatda dərc olunacaq və Təhsil Nazirliyinin İnternet saytında yerləşdiriləcəkdir.

Y.ƏLİYEV