Ana səhifə Seçilmişlərə əlavə et Bizə yazın

     
 
 XƏBƏRLƏR
 
 
 
RƏSMİ
 
 
 HEYDƏR ƏLİYEV FONDU
 
 
 
QANUNVERİCİLİK
 
 
 
TƏHSİL NAZİRLİYİNDƏ
 
 
 
PEDAQOJİ YAZILAR
 
 
 MÜSAHİBƏLƏR
 
 
 
İDMAN
 
 
 
FOTOQALEREYA
 
 
 ARXİV
 
 
 ƏLAQƏ

 
 

Azərbaycan təhsili: yaxın keçmişə, bu günə və gələcəyə bir baxış
 

Dünya universitetləri

internetdə

saytda

 

Fotoqalereya

 
 
 
 
 
 
 
 
 

ARXİV

8 Oktyabr 2010 - 39

 

4-cü Azərbaycan Beynəlxalq "Təhsil və karyera" sərgisi açıldı

Bookmark and Share

Oktyabrın 7-də "Bakı Ekspo Mərkəzi" sərgi kompleksində "İteca Caspian" MMC və onun tərəfdaşı "İTE Group PLC" şirkətinin təşkilatçılığı, Təhsil Nazirliyinin dəstəyi ilə keçirilən 4-cü Azərbaycan Beynəlxalq "Təhsil və karyera" sərgisinin açılışı oldu.

Açılış mərasimində çıxış edən təhsil naziri Misir Mərdanov artıq dördüncü ildir ki, keçirilən sərginin Azərbaycan təhsilinin inkişafı və beynəlxalq təhsil məkanına inteqrasiyasında, gənclərimizin xarici ölkələrin ali təhsil müəssisələri tərəfindən təklif olunan təhsil xidmətləri ilə tanışlığında, peşəyönümü işlərində çox mühüm əhəmiyyət kəsb etdiyini söyləyib sərginin təşkilatçılarına minnətdarlığını bildirdi.

Sərginin coğrafiyasının və əhatə dairəsinin ildən-ilə genişləndiyini müsbət hal kimi dəyərləndirən nazir builki sərgidə əvvəlki illərdəkindən daha çox - dünyanın 15 ölkəsindən 90-dan artıq təşkilat və şirkətin iştirak etdiyini söylədi. Qeyd etdi ki, builki sərgidə ilk dəfə olaraq qardaş Türkiyədən 15 universitet özünü təqdim edir. Burada, habelə, Azərbaycan Respublikası Təhsil Nazirliyinin dəstəyi, Türkiyənin yaxından köməyi ilə yaradılmış və artıq bir neçə ildir ki, təhsil müəssisələri üçün müxtəlif avadanlıqlar, partalar, yazı taxtaları istehsal edən şirkət də öz məhsullarını nümayiş etdirir. Koreya, Böyük Britaniya universitetlərinin də sərgidə çoxluq təşkil etdiklərini diqqətə çatdıran nazir, eyni zamanda ölkəmizin bu mötəbər beynəlxalq tədbirdə çox az - cəmi 2 ali təhsil müəssisəsi ilə təmsil olunmasını təəssüf doğuran  hal saydı.

Sərginin əsas təşkilatçısı olan "İteca Caspian" MMC şirkətinin direktoru Fərid Məmmədov da açılış mərasimində çıxış edərək sərgi haqqında məlumat verdi və onun işinə uğurlar arzuladı. Qeyd olundu ki, xarici maarifləndirmə strukturları, universitetlər və kolleclər sərgidə fəal şəkildə iştirak edirlər.

Sərginin ekspozisiyasında məktəbəqədər və orta təhsil, ali təhsil müəssisələrinin proqramları, distant maarifləndirmə sistemləri, xaricdə təhsil və tələbələrin mübadiləsi üzrə proqramlar, elmi dərəcələrin əldə edilməsi üzrə təhsil, karyeranın planlaşdırılması və inkişaf etdirilməsi üzrə konsultasiyalar, fakültativ təhsil və turizm üzrə proqramlar, dil kursları və yay məktəbləri, yeni informasiya texnologiyaları, multimedia sistemləri, video və televiziya avadanlıqları, kompüterlər təqdim olunur.

Sərgi öz ekspozisiyasının genişlənməsi üçün yeni mərhələlərin mənimsənilməsi ənənəsini qoruyub saxlayır. Belə ki, "məktəblər üçün avadanlıqlar" və "ilk peşə-ixtisas təhsili müəssisələri üçün avadanlıqlar" kimi yeni tematik bölmələr çərçivəsində sinif otaqları üçün avadanlıqlar, o cümlədən məktəbli geyimləri, kürsülər, fizika və kimya kabinetləri üçün avadanlıqlar, eləcə də Almaniyadan gətirilmiş istehsal tədrisi üzrə dəzgahlar nümayiş etdirilir.

Azərbaycan Respublikası Gənclər və İdman Nazirliyi iki il ardıcıl olaraq sərginin "Karyera" bölməsində gənclərin qeyri-hökumət təşkilatları və birliklərinin iştirakını təşkil edir. Hazırda isə əlavə peşəkar bacarıqların əldə olunması imkanını təqdim edən şirkətlərin rolu xüsusilə artmaqdadır. Bununla əlaqədar, sərgidə konsaltinq, təlimlər və əmək bazarının müasir tələblərinə uyğunlaşma üzrə seminarlar təklif edən şirkətlər də iştirak edirlər.

Sərginin işini təlimlər, təkmilləşdirmə kursları və sərgidə təqdim edilmiş Türkiyə ali təhsil müəssisələrinin birində pulsuz təhsil almaq üçün xüsusi lotereya müşayiət edəcək. Sərginin ikinci günü İsveçrədən gəlmiş şirkət tərəfindən otel idarəetməsi üzrə seminar keçiriləcək.

Açılış mərasiminin sonunda F.Məmmədov "Təhsil və karyera" sərgisinin təşkilinə göstərdiyi fəal dəstəyə görə təhsil naziri Misir Mərdanova təşəkkür sertifikatı təqdim etdi.

Sonra sərgiyə baxış keçirildi. Sərgidə təqdim olunan təhsil müəssisələrinin nümayəndələri iştirakçılara geniş məlumat verdilər.

Sərgi oktyabrın 9-dək davam edəcək. 

Yusif ƏLİYEV

 
Səhifənin başına qalx "Xəbərlər" bölməsinə getNömrənin müdəricatına dön

Səhifənin başına qalx

 

HEYDƏR ƏLİYEV

İLHAM ƏLİYEV

MEHRİBAN ƏLİYEVA

HEYDƏR ƏLİYEV
FONDU

AZƏRBAYCAN RESPUBLİKASI TƏHSİL NAZİRLİYİ

 

8 Oktyabr 2010 - 39

Azərbaycan Respublikasının təhsil işçilərinin təltif edilməsi haqqında Azərbaycan Respublikası Prezidentinin Sərəncamı
 
Azərbaycan Respublikasının təhsil işçilərinə "Əməkdar müəllim" fəxri adının verilməsi haqqında Azərbaycan Respublikası Prezidentinin Sərəncamı
 
Azərbaycan Prezidenti İlham Əliyevin Naxçıvan Muxtar Respublikasına səfəri
 
Şərur rayonunun Maxta kənd orta məktəbinin yeni binasının açılışı olub
 
Prezident İlham Əliyev Sədərək 2 nömrəli orta məktəbinin yeni binasının açılışında iştirak edib
 
Prezident İlham Əliyev Azərbaycan Tibb Universitetinin tədris-terapevtik klinikasının açılışında iştirak edib
 
Bakının Xətai rayonunda yəhudi uşaqlar üçün "Xabad-Or-Avner" təhsil mərkəzinin açılışı olub Azərbaycan Prezidenti İlham Əliyev mərasimdə iştirak edib
 
Azərbaycan Respublikası Nazirlər Kabinetinin qərarının icrası barədə Azərbaycan Respublikası təhsil nazirinin əmri
 
ATU-nun 80 illik yubileyi qeyd edildi
 
Ötən ay Təhsil Nazirliyinin "Qaynar xətt" xidmətinə 2083 müraciət daxil olub
 
"Trend" İnformasiya Agentliyində mətbuat konfransı
 
4-cü Azərbaycan Beynəlxalq "Təhsil və karyera" sərgisi açıldı
 
Beynəlxalq Müəllimlər Gününə həsr olunmuş tədbir keçirilib
 
Dəyişən ulduzlar sahəsində beynəlxalq elmi konfransda Azərbaycan aliminin məruzəsi maraqla qarşılanıb
 
Azərbaycan Dillər Universitetinin 442 tələbəsi orta məktəblərdə pedaqoji təcrübə keçəcək
 
Rus yazıçısı tələbə və magistrantlara ustad dərsi keçib
 
Təhsil müəssisələrinin baş mühasiblərinin seminar-müşavirəsi
 
"Dayanıqlı inkişaf və idarəetmə" mövzusunda beynəlxalq konfrans
 
AMİ-nin bir qrup əməkdaşı Fəxri fərmanla təltif olundu
 
Beynəlxalq təhsil yarmarkası keçirilib
 
Həyatın tarix dərsi
 
Gimnaziyada "Yer planetinə verilən dəyər" mövzusunda ekoloji layihə təqdim olunub
 
Ətraf mühitə qayğı hər bir məktəblinin vəzifəsidir
 
Azərbaycanın Milli Qəhrəmanları
 
"Kiçik Akademiya"nın üzvlərinin sayı artır
 
Məktəbdə metodiki işlərə geniş yer verilir
 

2007 - 2015-ci illərdə Azərbaycan gənclərinin xarici ölkələrdə təhsil üzrə
DÖVLƏT PROQRAMI

Azərbaycan Respublikasında texniki peşə təhsilinin inkişafı üzrə
DÖVLƏT PROQRAMI

Azərbaycan Respublikası Təhsil Nazirliyi
KURİKULUM PORTALI

Azərbaycan Respublikası
TƏHSİL PORTALI

 

Copyright 2010   All Rights Reserved.
Created and supported by
Mehman Shafagatov