Sinqapurda keçirilən Yeniyetmələrin I Yay Olimpiya Oyunlarında iştirak etmiş idmançılarımız bu yaxınlarda inamlı qələbə ilə vətənə qayıtmışlar. Ağırlıqqaldırma üzrə ölkəmizi təmsil etmiş Nicat Rəhimov uğurla çıxış edərək olimpiya oyunlarının qızıl mükafatına layiq görülüb. Nicat Rəhimov 1993-cü ildə Qazax rayonunda anadan olub. Bakıdakı 1 nömrəli Masazır qəsəbə  orta məktəbinin XI sinfində oxuyur, "Neftçi" İdman Sağlamlıq Mərkəzinin üzvüdür.

Bu yaxınlarda ölkə başçısının sərəncamına əsasən mükafatlandırılan Nicat Rəhimovu təbrik edərək redaksiyamıza dəvət etdik. O, əldə etdiyi nailiyyətlərindən söz açaraq dedi:

- Doğrusu, atam Əli Rəhimov idmançı olduğundan, elə kiçik yaşlarımdan idmanı  seçmişəm və  şəxsi məşqçim də atamdır. Amma bu nailiyyətlərin qazanılmasında şəxsi məşqçimlə bərabər, ağırlıqqaldırma üzrə dünya çempionu, baş məşqçi Nizami Paşayevin də xüsusi əməyi  var.

2006-cı il idmanın ağırlıqqaldırma  növü üzrə Bakı çempionatında IV yeri, 2008-ci ildə Fransada Avropa çempionatında XII yeri, 2009-cu il Tailandda Dünya çempionatında   VI yeri, 2009-cu il İsraildə keçirilən yarışda V yeri və 2010-cu ilin may ayında İspaniyanın Valensiya şəhərində Avropa çempionatında I yeri və 2010-cu il avqust ayında Sinqapurda keçirilən yarışda I yeri tutmuşam. İştirak  etdiyim bütün bu yarışlarda 17 qızıl, 3 gümüş və 1 bürünc medal qazanmışam.

Oxuduğu məktəbdə müəllimlərimin tapşırıqlarını vaxtında və keyfiyyətlə yerinə yetirdiyini deyən Nicat qeyd etdi ki, idmanı çox sevirəm. İdmanla məşğul olmaqdan və qazandığım uğurlardan ləzzət alıram, ürəkdən sevinirəm. Orta məktəbi qurtardıqdan sonra məşğul olduğum sahə üzrə də ali təhsil almağı qarşıma məqsəd qoymuşam.

İdman həyatımda yaddaqalan anlar çox olub. Lakin bunların içərisində bu il avqustun 30-da Azərbaycan Prezidenti İlham Əliyevin biz idmançıları qəbul etdiyi gün yaddaşımdan heç vaxt silinməyəcək.

Mən həmin görüşdə çıxış edərək göstərilən diqqət və qayğıya görə  dövlətimizin başçısına idmançıların minnətdarlığını çatdırdım.

Azərbaycan idmanının adını ucaltmaq ü

çün bundan sonra da əlimdən gələni  edəcəyimə söz verirəm.

Biz də, öz növbəmizdə, qızıl medalın sahibi Nicat Rəhimova  gələcək yarışlarda  yeni-yeni uğurlar arzulayırıq.

Şakir CƏFƏROV