Rusiya Federasiyasında "2011-2015-ci illərdə
Rusiya Federasiyası vətəndaşlarının
vətənpərvərlik tərbiyəsi" adlı proqram layihəsi
hazırlanıb. Dövlət Proqramın icrasına 600 milyon
rubl vəsait ayırıb. Bu barədə Rusiya
Federasiyası hökuməti İdarə Heyətinin proqramın
layihəsinə baxılan iclasında Vladimir Putin
məlumat verib. "Gənc nəsil təkcə cərəyan edən
hadisələrdən xəbərdar olmayıb, həm də bizim
ənənələr, tariximizin qəhrəmanlıq və faciəli
səhifələri haqqında bilməlidir, - deyə Baş nazir
bildirib. - Maarifləndirici layihələri, tarix
sahəsində tədqiqatları, arxiv sənədlərinin dərc
olunmasını, hərbi-vətənpərvərlik və axtarış
klublarının işini, adamları öz qabiliyyətlərini
reallaşdırmağa, bu zaman özünü vahid xalqın
ayrılmaz hissəsi hiss etməyə kömək edən mədəni,
idman, yaradıcı təşəbbüsləri dəstəkləmək
lazımdır". Vladimir Putinin sözlərinə görə, məhz
bu cür prioritetlər təklif olunan proqramın
əsasını təşkil edir. Layihəyə əsasən, onun
maliyyələşməsinin ümumi həcmi 777,2 milyon rubl
təşkil edir. Həmin məbləğin 596,75 milyon rublu
federal büdcədən, 180,45 milyonu isə
vətənpərvərlik tərbiyəsində iştirak edən
yaradıcılıq ittifaqlarının, idman və digər
təşkilatların fondlarından, habelə sponsor
köməyindən ayrılan büdcədənkənar vəsaitdən
formalaşdırılacaq.
Hazırladı: Y.ƏLİYEV |