Ana səhifə Seçilmişlərə əlavə et Bizə yazın

     
 
 XƏBƏRLƏR
 
 
 
RƏSMİ
 
 
 HEYDƏR ƏLİYEV FONDU
 
 
 
QANUNVERİCİLİK
 
 
 
TƏHSİL NAZİRLİYİNDƏ
 
 
 
PEDAQOJİ YAZILAR
 
 
 MÜSAHİBƏLƏR
 
 
 
İDMAN
 
 
 
FOTOQALEREYA
 
 
 ARXİV
 
 
 ƏLAQƏ

 
 

Azərbaycan təhsili: yaxın keçmişə, bu günə və gələcəyə bir baxış
 

Dünya universitetləri

internetdə

saytda

 

Fotoqalereya

 
 
 
 
 
 
 
 
 

ARXİV

18 Noyabr 2010 - 45

 

Azərbaycanın Milli Qəhrəmanları

Bookmark and Share

Məmmədov Aytəkin İsrayıl oğlu 

1967-ci il mayın 29-da Gədəbəy rayonunun Göyəlı kəndində anadan olmuşdu. 1984-cü ildə kəndlərindəki orta məktəbdə təhsilini başa çatdırdıqdan sonra texniki peşə məktəbində rəngsaz peşəsinə yiyələnmişdi. 1985-ci ildə hərbi xidmətə çağırılmışdı. Əfqanıstan müharibəsində iştirak etmişdi. O, əsgəri xidmətini başa çatdirıb Vətənə döndükdən bir müddət sonra 1991-ci ilin fevralında DİN -in xüsusi təyinatlı polis dəstəsinə daxil olmuşdu. Həmin ilin aprelində Xanlar (indiki Göygöl) rayonunun Quşçu kəndi uğrunda erməni işğalçılarına qarşı gedən ağır döyüşdə əhalinin təhlükəsizliyini təmin edərək  rəşadət göstərmişdi.

A.Məmmədov elə həmin döyüşdə ağır yaralanıb, onun həyatını xilas etmək mümkün olmayıb və 1991-ci ilin aprelində dünyasını dəyişib.

Subay idi.

Azərbaycan Respublikası Prezidentinin 8 oktyabr 1992-ci il tarixli 264 nömrəli Fərmanı ilə Məmmədov Aytəkin İsrayıl oğlu ölümündən sonra Azərbaycanın Milli Qəhrəmanı adına layiq görülüb.

Göyəli kənd qəbiristanlığında dəfn olunub. Göyəli kənd orta məktəbi onun adını daşıyır. Gədəbəydə büstü qoyulub. 

Məmmədov Eldar Harun oğlu 

1968-ci il yanvarın 10-da Bakı şəhərində anadan olmuşdu. 1982-ci ildə paytaxtdakı 189 nömrəli orta məktəbin səkkizinci sinfini bitirdikdən sonra  C.Naxçıvanski adına hərbi məktəbə daxil olmuşdu. 1985-ci ildə təhsilini başa çatdırdıqdan sonra Riqadakı Qırmızı bayraqlı Ali Hərbi-Siyasi məktəbdə təhsilini davam etdirmişdi. Burada təhsilini bitirən Eldar SSRİ  Silahlı Qüvvələrində hərbi xidmətə göndərilmişdi. Erməni işğalçıları vətənimizə basqın edən zaman o, Azərbaycana qayıtmış və yenicə yaradılan Sərhəd Qoşunlarında xidmətə başlamışdı. 1993-cü ildə Ağdərə istiqamətində gedən döyüşlərdə iştirak etmişdi. Fevralin  24-də Kasapet kəndi yaxınlığındakı yüksəkliyin müdafiəsində qəhrəmanlıq göstərmişdi.

E.Məmmədov həmin döyüşdə yoldaşlarını müdafiə edərkən düşmən gülləsinə tuş gəlib və 1993-cü il fevralın 24-də qəhrəmancasına həlak olub.

Subay idi.

Azərbaycan Respublikası Prezidentinin 11 dekabr 1994-cü il tarixli 247 nömrəli Fərmanı ilə baş leytenant Məmmədov Eldar Harun oğlu ölümündən sonra Azərbaycanın Milli Qəhrəmanı adına layiq görülüb.

Bakı şəhərində Şəhidlər xiyabanında dəfn olunub. 

Məmmədov Elşad Ramiz oğlu              

1975-ci il fevralın 14-də Xanlar (indiki Göygöl) rayonunun Haçaqaya kəndində anadan olmuşdu. 1990-cı ildə kəndlərindəki səkkizillik  məktəbi bitirdikdən sonra Xanlar rayonundakı 99 nömrəli texniki peşə məktəbində təhsilini davam etdirmişdi. 1993-cü ilin avqustunda Hərbi Komissarlıq tərəfindən  əsgəri xidmətə çağırılaraq, 6 ay hərbi təlim keçmiş və Azərbaycanın ayrılmaz hissəsi olan Qarabağa - döyüş bölgəsinə yollanmışdı. Tərtər bölgəsində  erməni işğalçılarına qarşı cəsurluqla döyüşən  Elşad daha sonra Ağdərə ərazisinin yağı düşməndən təmizlənməsi istiqamətində gedən qanlı döyüşlərdə qəhrəmanlıq nümayiş etdirmişdi.

E.Məmmədov 17 mart 1995-ci ildə dövlət çevrilişinə cəhdin qarşısının alınmasında iştirak edərkən qarşı tərəfin gülləsinə tuş gələrək qəhrəmancasına həlak olub.

Subay idi.

Azərbaycan Respublikası Prezidentinin 4 aprel 1995-ci il tarixli 307 nömrəli Fərmanı ilə Məmmədov Elşad Ramiz oğlu ölümündən sonra Azərbaycanın Milli Qəhrəmanı adına layiq görülüb.

Xanlar rayonunun Qırıqlı kəndində dəfn olunub. Haçaqaya kənd məktəbi onun adını daşıyır. Daşkəsən yolunun üstündə büstü qoyulub. 

Məmmədov Əli Hüseyn oğlu 

1955-ci il avqustun 11-də Naxçıvan MR-də anadan olmuşdu. Bakı şəhərində 255 nömrəli orta məktəbi bitirdikdən sonra Bakı Poliqrafiya Məktəbinə daxil olmuş və çapçı  ixtisasına yiyələnmişdi. 1975-ci ildə ordu sıralarına çağırılmış və hərbi xidmətini Macarıstanda başa çatdırmışdı. 1978-ci ildə daxili işlər orqanlarında sıravi polis nəfəri kimi fəaliyyətə başlamışdı. O, 1982-ci ildə Polis Akademiyasına daxil olmuş, 1984-cü ildə təhsilini başa çatdırdıqdan sonra Binəqədi rayonunda sahə müvəkkili vəzifəsinə təyin edilmişdi. İxtisasını Moskva Polis Akademiyasında təkmilləşdirərək, Binəqədi Rayon Polis İdarəsinin cinayət-axtarış şöbəsində polis kapitanı rütbəsi ilə baş əməliyyat müvəkkili vəzifəsinə yüksəlmişdi. Əli dəfələrlə Qarabağ bölgəsinə göndərilmişdi. 1992-ci il sentyabrın 24-də də yenidən Laçın rayonuna ezam olunmuşdu. Qızartı yüksəkliyinin ermənilərdən alınması uğrunda gedən döyüşdə düşmənin xeyli canlı qüvvəsini məhv etmişdi.

Ə.Məmmədov 1992-ci il oktyabrın 1-də döyüşdə başından aldığı güllə yarasından həlak olub.

Ailəli idi. İki övladı var.

Azərbaycan Respublikası Prezidentinin 19 oktyabr 1992-ci il tarixli 273 nömrəli Fərmanı ilə polis kapitanı Məmmədov Əli Hüseyn oğlu ölümündən sonra Azərbaycanın Milli Qəhrəmanı adına layiq  görülüb.

Bakı şəhərində Şəhidlər xiyabanında dəfn olunub. Bakının Rəsulzadə qəsəbəsindəki küçələrdən biri onun adını daşıyır. 

Məmmədov İbrahim İsmayıl oğlu 

1958-ci il dekabrın 20-də Naxçıvan MR-də anadan olmuşdu. 1976-cı ildə Naxçıvan şəhər 3 nömrəli orta məktəbini  bitirmişdi. Bir il Su Tikinti İdarəsində çalışdıqdan sonra 1977-ci ildə hərbi xidmətə çağırılmışdı. Ordu sıralarında xidmət edərkən PDM hərbi texnikasının birinci dərəcəli tuşlayıcı - operatoru ixtisasına yiyələnmişdi. İbrahim ordudan tərxis olunduqdan sonra 1988-ci ildə Bakı Dövlət Universitetinin tarix fakültəsinin qiyabi şöbəsinə daxil olmuşdu. O zaman Moskvada yaşayan İ.Məmmədov Qarabağ müharibəsi başlayanda Vətənə qayıtmış, könüllü olaraq müharibəyə qatılmışdı. 1993-cü ildə Milli Orduda xidmətini davam etdirərək, Kəlbəcər uğrunda gedən döyüşlərdə iştirak etmişdi. Onun rəhbərliyi altında strateji əhəmiyyətli bir yüksəklik düşməndən azad edilmişdi. 1994-cü il fevralın 16-da Kəlbəcər uğrunda gedən qızğın döyüşdə düşmənin 3 tankını və xeyli canlı qüvvəsini sıradan çıxarmışdı.

İ.Məmmədov həmin döyüşdə düşmən snayperinə tuş gəlib və qəhrəmancasına həlak olub.

Ailəli idi. İki övladı var.

Azərbaycan Respublikası Prezidentinin  20 iyun 1994-cü il tarixli 156 nömrəli Fərmani ilə Məmmədov İbrahim İsmayıl oğlu ölümündən sonra Azərbaycanın Milli Qəhrəmanı adına layiq görülüb.

Naxçıvan şəhərində Şəhidlər xiyabanında  dəfn olunub.

Milli Qəhrəmanlar Beynəlxalq İnformasiya
Mərkəzinin materialları əsasında
hazırladı: Ədalət DAŞDƏMİRLİ

 
Səhifənin başına qalx Nömrənin müdəricatına dön

Səhifənin başına qalx

 

HEYDƏR ƏLİYEV

İLHAM ƏLİYEV

MEHRİBAN ƏLİYEVA

HEYDƏR ƏLİYEV
FONDU

AZƏRBAYCAN RESPUBLİKASI TƏHSİL NAZİRLİYİ

 

18 Noyabr 2010 - 45

Azərbaycan Dövlət Neft Akademiyasının əməkdaşlarına fəxri adların verilməsi haqqında Azərbaycan Respublikası Prezidentinin Sərəncamı
 
Azərbaycan Dövlət Neft Akademiyası əməkdaşlarının təltif edilməsi haqqında Azərbaycan Respublikası Prezidentinin Sərəncamı
 
Azərbaycan Respublikası Prezidentinin fərdi təqaüdlərinin verilməsi haqqında Azərbaycan Respublikası Prezidentinin Sərəncamı
 
Prezident İlham Əliyev Ağdam rayonunda məcburi köçkün ailələri üçün yeni qəsəbədə məktəbin açılışında iştirak edib
 
Bakı Slavyan Universitetində beynəlxalq forum keçirilib
 
İslam ölkələri ali təhsil və elmi tədqiqat nazirlərinin 5-ci konfransı
 
Bakı məktəblərində bilik yarışı keçirilib
 
Tələbələr üçün yeni yataqxana
 
Gəncə Dövlət Universitetində tələbələr imtahanları kompüterlə verəcəklər
 
ADMİU beynəlxalq əlaqələrini genişləndirir
 
Hüseyn Cavidin xatirəsi anılıb
 
"Həyati bacarıqlara əsaslanan təhsil"lə bağlı seminar
 
 Tələbələrin pedaqoji təcrübəsinin başlanmasına həsr olunmuş konfrans 
 
Dövlət İdarəçilik Akademiyasında qısamüddətli ixtisasartırma kurslarının açılışı olub
 
"Uşaq hüquqları" aylığı
 
TIMSS və PIRLS beynəlxalq qiymətləndirmə tədqiqatları
 
Pedaqoji təcrübə və məktəb rəhbərliyinin nəzarəti
 
Dayaq məntəqələrinin fəaliyyətinin gücləndirilməsi zamanın tələbidir
 
Lənkəran təhsili uğurlu inkişaf yollarında
 
"Qaraca qız" hekayəsinin tədrisi təcrübəsindən
 
İnnovativ universitet
 
Azərbaycanın Milli Qəhrəmanı Mübariz İbrahimov yad edilir
 
Şair tələbələrin qonağı oldu
 
Metodik işlərə geniş yer verilir
 
Azərbaycanın Milli Qəhrəmanları
 
Nərminin idman uğurları
 
Sumqayıt peşə liseyinin şagirdi ikiqat dünya çempionudur
 
Dünya universitetləri: Pekin Universiteti
 

2007 - 2015-ci illərdə Azərbaycan gənclərinin xarici ölkələrdə təhsil üzrə
DÖVLƏT PROQRAMI

Azərbaycan Respublikasında texniki peşə təhsilinin inkişafı üzrə
DÖVLƏT PROQRAMI

Azərbaycan Respublikası Təhsil Nazirliyi
KURİKULUM PORTALI

Azərbaycan Respublikası
TƏHSİL PORTALI

 

Copyright 2010   All Rights Reserved.
Created and supported by
Mehman Shafagatov