1997-ci
il təvəllüdlü Əli Məmmədov 11 yaşından idmanın
şahmat növü ilə məşğul olur. O, uşaq
yaşlarından təsnifat yarışlarında fərqlənərək
II-III yerləri tutub. Əli dəfələrlə Bakı və
respublika birinciliyində iştirak edərək
fərqlənib. Yeniyetmə idmançı ötən il ulu öndər
Heydər Əliyevin xatirəsinə həsr olunmuş
yarışlarda iştirak edərək I dərəcəni qazanıb
və beynəlxalq "Tempo" turnirində yaxşı
nailiyyətlərinə görə II yerə layiq görülüb.
Onun ən böyük arzusu beynəlxalq turnirlərdə
ölkəmizi layiqli təmsil edərək dünya çempionu
olmaqdır.
X sinif şagirdi Fuad Vahidzadə isə yeniyetmə
gənclər arasında 55 kq çəki dərəcəsində
universal döyüş üzrə Ukraynada keçirilən Avropa
çempionatında iştirak edib, II yerə layiq
görülüb. İdmanın bu növü ilə uşaq yaşlarından
məşğul olan Fuad Rusiyada keçirilən 14-15 yaşlı
gənclər arasında dünya çempionatında III yeri
tutaraq ölkəmizə diplom və medallarla qayıdıb.
Onun da arzusu dünya çempionatında birinci yeri
tutaraq ölkəmizin idman şərəfini qorumaqdır.
Bakıdakı 93 nömrəli orta məktəbin şagirdlərinə
gələcək yarışlarda uğurlar arzulayırıq.
Rəşad ZİYADOV |