Naxçıvan
Dövlət Universitetində "Heydər Əliyev və təhsil
siyasəti" mövzusunda elmi konfrans keçirildi.
Universitetin Sosial idarəetmə və hüquq
fakültəsinin əlavə təhsil üzrə tələbələrinin
təşkil etdiyi konfransı giriş sözü ilə NDU-nun
rektoru, akademik İsa Həbibbəyli açaraq
Azərbaycan təhsilinin inkişafında, milli kadr
potensialının yetişməsində ümummilli liderin
misilsiz xidmətlərindən danışdı. Rektor dahi
öndərin regionlarda, xüsusilə də Naxçıvanda
elmin, təhsilin tərəqqisinə böyük əhəmiyyət
verməsindən bəhs etdi, Naxçıvan Dövlət
Universitetinin kollektivi ilə unudulmaz
görüşlərini, dəyərli tövsiyələrini xatırlatdı.
Tərbiyə
işləri üzrə prorektor, fəlsəfə elmləri doktoru
Məmməd Rzayev ümummilli liderin təhsil
siyasətinin Azərbaycan Respublikasının
Prezidenti İlham Əliyev tərəfindən uğurla davam
etdirilməsi, milli təhsilin qloballaşan dünyanın
tələbləri səviyyəsində inkişafı barədə ətraflı
məlumat verdi.
"Heydər
Əliyev və Azərbaycanın elm-təhsil strategiyası"
mövzusunda məruzə edən tələbə Elşən Abdullayev
bildirdi ki, hələ sovetlər dönəmində Heydər
Əliyevin rəhbərliyi ilə milli təhsilin
inkişafında əsaslı kəmiyyət və keyfiyyət
göstəriciləri əldə olunmuş, 1984-1987-ci illərdə
SSRİ-də ümumtəhsil və peşə məktəbi islahatı
uğurla həyata keçirilmiş, azərbaycanlı
abituriyentlərin keçmiş SSRİ-nin ən məşhur ali
təhsil ocaqlarında dövlət hesabına təhsil alması
təmin olunmuşdur. Müstəqillik illərində
ümummilli liderin müəllifi olduğu "Təhsil
Qanunu"nun qəbul edilməsi, milli təhsilin
inkişaf strategiyasının uğurla həyata
keçirilməsi, yeni təhsil müəssisələrinin
açılması, təhsil işçilərinə dövlət qayğısının
artması bu gün öz bəhrələrini verməkdədir.
Konfransın
əsas təşkilatçılarından olan tələbə İntizar
Məmmədova "Heydər Əliyev və Azərbaycan
təhsilində milli kadr potensialının
formalaşması", tələbələr Asəm Kazımov "Heydər
Əliyev və Naxçıvanda təhsilin inkişafı", Yaqub
Əliyev isə "Heydər Əliyev və təhsil
strategiyasının tarixi aspektləri" adlı
məruzələrində dahi öndərin təhsil siyasətinin
bugünkü bəhrələrindən danışdılar. Vurğulandı ki,
Prezident cənab İlham Əliyevin xüsusi qayğısı,
Naxçıvan MR Ali Məclisinin sədri Vasif Talıbovun
rəhbərliyi ilə son 15 il ərzində muxtar
respublikada 160-dan çox məktəb binası tikilmiş
və ya əsaslı təmir olunaraq istifadəyə verilmiş,
təhsil müəssisələrinin maddi-texniki və tədris
bazası möhkəmləndirilmiş, ən yeni
informasiya-kommunikasiya vasitələri ilə təchiz
olunmuşdur.
Qeyd edildi
ki, Heydər Əliyev ölkənin sürətli və dinamik
inkişafının başlıca amilini milli elmin,
təhsilin tərəqqisində görürdü. Belə ki, bu böyük
siyasətçi sovetlər dövründə 17 mindən artıq
azərbaycanlı gəncin dövlət hesabına xaricdə
təhsilini təmin etmiş, müxtəlif təhsil
ocaqlarının, o cümlədən hərbi kadrların
yetişdirilməsi məqsədilə 1971-ci ildə
C.Naxçıvanski adına hərbi məktəbin açılmasına
nail olmuşdu.
Konfransın
sonunda universitet televiziyasının hazırladığı
"Heydər Əliyev və təhsil siyasəti" adlı sənədli
film nümayiş etdirilmişdir.
NDU-nun Mətbuat şöbəsi |