Ən yaxşı müəllimlər

 

Ən yaxşı məktəblər

 

700 bal toplayanlar

 

Azərbaycan Respublikasının
Təhsil Qanunu

 

AZƏRBAYCAN RESPUBLİKASI TƏHSİL NAZİRLİYİNİN ORQANI

Ana səhifə Seçilmişlərə əlavə et Bizə yazın

 
 
 Xəbərlər
 
 
 
Rəsmi
 
 
 Heydər Əliyev Fondu
 
 
 
Qanunvericilik
 
 
 
Təhsil Nazirliyində
 
 
 
Pedaqoji yazılar
 
 
 Müsahibələr
 
 
 
İdman
 
 
 
Fotoqalereya
 
 
 Arxiv
 
 
 
Əlaqə

 
 
 

Dünya universitetləri

 
 
 

İnternet və ya sayt daxilində  axtarmaq istədiyiniz sözü xanaya yazıb "Axtar" düyməsini sıxın

internetdə

saytda

 
 
 
 

 
 
 
 
 
 
 

 
 
 

 
 
 

ARXİV

11 Mart 2011 - �10

 

Xalq şairi məktəbin qonağı olub

 

Martın 5-də Xırdalan şəhər 2 nömrəli orta məktəbdə çağdaş Azərbaycan poeziyasının görkəmli nümayəndəsi, qüdrətli söz ustası, xalq şairi Zəlimxan Yaqubla görüş keçirildi. Görüşdə tanınmış şairlər, əməkdar incəsənət xadimi Kəmalə Ağayeva və Alqayıt, Abşeron Rayon İcra Hakimiyyətinin məsul işçisi Tofiq Abdullayev, rayon təhsil şöbəsinin müdiri Nadir Ağayev, Xırdalan bələdiyyəsinin sədri Eldar Əhmədov, Azərbaycan Müəllimlər İnstitutunun əməkdaşı Vaqif Mahmudov, Xırdalan şəhər 1 nömrəli orta məktəbin direktoru Sevinc Əliyeva, Abşeron Rayon Uşaq Yaradıcılıq Mərkəzinin direktoru Gülüş Zeynalova, Xırdalan şəhər 9 nömrəli orta məktəbin direktoru Həcər İbrahimova və digər qonaqlar iştirak edirdilər.

Şagirdlər "Şairlə canlı görüş" adlandırdıqları ədəbi-bədii gecəyə məktəbin Azərbaycan dili və ədəbiyyat müəllimləri Sevil Mahmudova, Kəmalə Aslanova, Gülər Nəsibova və Sevda Zamanzadənin yaxından köməyi ilə şairin həyat və yaradıcılığı mövzusunda maraqlı musiqili kompozisiya hazırlamışdılar və onu böyük məharətlə təqdim etdilər.

Öncə tədbirin aparıcıları XI sinif şagirdi Cavid və IX sinif şagirdi Humay xalq şairini salamlayıb, qəlblərinin, ruhlarının tərcümanı saydıqları, əsərlərini sevə-sevə oxuduqları və bir çox şeirlərini əzbər bildikləri şairin onlarla görüşə gəlməsindən böyük məmnunluq duyduqlarını, bu canlı görüşün onların xatirəsində əbədi qalacağını söylədilər.

Sonra məktəbin direktoru Ədalət Camalova şairə və qonaqlara "xoşgəldin" edib sazlı-sözlü Zəlimxan Yaqubla görüşün məktəbin müəllim və şagird kollektivinin həyatında ən əlamətdar hadisə olduğunu bildirdi, "həmişə öz halal ilhamının sözünü söyləyən, Aşıq Ələsgər, Səməd Vurğun ruhunun daşıyıcısı olan" şairin həyat və yaradıcılıq yolundan söz açdı. Z.Yaqubun ədəbiyyatımız, aşıq sənətimiz qarşısındakı xidmətlərini yüksək qiymətləndirən Ə.Camalova şairin millət vəkili olduğu 1995-2005-ci illərdə ölkəmizin ictimai-siyasi həyatında yaxından iştirak etdiyini, həmişə seçicilərinin, bütövlükdə xalqın arasında olduğunu diqqətə çatdırdı.

Səhnə yenidən şagirdlərin ixtiyarına verildi. Tədbir boyu aparıcılarla məktəbin istedadlı şagirdlərinin bir-birini əvəzləyən çıxışlarında şairin həyatının bəzi məqamları, yaradıcılığının əsas cəhətləri, sənətkarlıq xüsusiyyətləri, ilhamını qanadlandıran mövzular, çox sevdiyi aşıq sənəti, saz haqqında söz açıldı, şeirləri, onlara yazılmış mahnılar ifa olundu, şairin həyat və yaradıcılığından bəhs edən sənədli filmdən fraqmentlər göstərildi. Şagird Sərcan Tağıyev şairə həsr etdiyi şeiri oxudu. Sahil Qurbanovun, Pərviz Axundovun ifa etdikləri saz havalara, aşıq mahnıları, 7-ci sinif şagirdi Rəşid Səmədovun oxuduğu muğam, IX sinif şagirdi Sevda Sarıyevanın söylədiyi "Azərbaycan torpağıyam" şeiri, bir sıra digər çıxışlar ədəbi-bədii gecənin ən təsirli nömrələri kimi yadda qaldı.

Görüşdə şairə, əməkdar incəsənət xadimi Kəmalə Ağayeva, şair Alqayıt, Abşeron RİH-nin məsul işçisi Tofiq Abdullayev, məktəbin tarix müəllimi Sabir Nağıyev çıxış edərək xalq şairi Zəlimxan Yaqub haqqında ürək sözlərini dedilər, onun yaradıcılığını müxtəlif yönlərdən səciyyələndirdilər, sənətkarlığını, əxlaqi-mənəvi keyfiyyətlərini, insani xüsusiyyətlərini qeyd edib, yüksək qiymətləndirdilər, onunla bağlı xatirələrindən söz açdılar, ona cansağlığı, daha böyük yaradıcılıq uğurları arzuladılar, öz şeirlərini ifa etdilər.

Sonra söz şairə verildi. Məktəbə gəlməsini Allah evinə gəlməsi ilə müqayisə edən Z.Yaqub onu görüşə çağırdıqları üçün məktəbin rəhbərliyinə, müəllim və şagird kollektivinə minnətdarlığını bildirdi, tədbirdən böyük zövq aldığını, burada çoxlu istedadlı yeniyetmə və gənclə tanış olduğunu, onların ictimaiyyətə tanıtdırılmasına kömək göstərəcəyini söylədi. Şagirdləri yaxşı oxumağa səsləyən xalq şairi öz yaradıcılıq yolundan, həyat prinsiplərindən söz açdı, şeirlərini oxudu.

Sonda xalq şairi məktəblilərin çoxsaylı suallarını cavablandırdı, onlarla xatirə şəkli çəkdirdi. 

Yusif ƏLİYEV

 
 
Bookmark and Share  
 
Səhifənin başına qalx Nömrənin müdəricatına dön"Xəbərlər" bölməsinə get Səhifənin başına qalx  

HEYDƏR ƏLİYEV

İLHAM ƏLİYEV

MEHRİBAN ƏLİYEVA

HEYDƏR ƏLİYEV
FONDU

AZƏRBAYCAN RESPUBLİKASI TƏHSİL NAZİRLİYİ

 
 

BİZ TORPAQLARIMIZA QAYIDACAĞIQ!

XANKƏNDİ 26.12.1991
XOCALI 26.02.1992
ŞUŞA 08.05.1992
LAÇIN 18.05.1992
XOCAVƏND 02.10.1992
KƏLBƏCƏR 04.04.1993
AĞDƏRƏ 07.07.1993
AĞDAM 23.07.1993
CƏBRAYIL 23.08.1993
FİZULİ 23.08.1993
QUBADLI 31.08.1993
ZƏNGİLAN 29.10.1993
 
 
 
Ermənistanın 1991-1993- cü illər ərzində ölkəmizə hərbi təcavüzü nəticəsində ümumilikdə 288 uşaq baxçası, 799 ümumtəhsil məktəbi, 11 texniki-peşə məktəbi, 1 ali məktəb, 2 ali məktəb filialı, 9 orta ixtisas məktəbi dağıdıldı.
 
 

 

 

2007 - 2015-ci illərdə Azərbaycan gənclərinin xarici ölkələrdə təhsili üzrə
DÖVLƏT PROQRAMI

 

Azərbaycan Respublikasında texniki peşə təhsilinin inkişafı üzrə
DÖVLƏT PROQRAMI

 

Azərbaycan Respublikası Təhsil Nazirliyi
KURİKULUM PORTALI

 

Azərbaycan Respublikası
TƏHSİL PORTALI

 Copyright 2011   All Rights Reserved.
Created and supported by
Mehman Shafagatov