12 nömrəli Bakı peşə məktəbinin uğurları son
illər xeyli artıb. Məktəbin maddi-texniki bazası
ildən-ilə möhkəmlənib, qorunub və inkişaf
etdirilib. Pedaqoji kollektivin zəhməti
nəticəsində zənginləşən fənn kabinetləri,
laboratoriyalardan şagirdlər lazımınca istifadə
edirlər. Təhsil ocağında müəllimlərin yaxşı
işləməsi, şagirdlərin isə seçdikləri peşələrə
dərindən yiyələnməsi üçün hər cür şərait
yaradılıb.
169 şagirdin təhsil aldığı peşə məktəbində qadın
bərbəri - manikürçü, mühasib-fərdi kompüter
operatoru və s. peşələr üzrə kadrlar hazırlanır.
Məktəbin direktoru Fərman Aslanov bildirdi ki,
təhsil ocağında qadın bərbəri-manikürçü peşəsi
üzrə modul sistemi tətbiq olunub. Bununla
yanaşı, şagirdlər təcrübə keçməklə seçdikləri
peşələrin sirlərinə dərindən yiyələnirlər.
İstehsalat təlimi ustalarından Mərziyə
İsmayılova, Şəfiqə Bağırova, Səbinə Səfərova və
Türkan Rzayeva öz peşələrini şagirdlərə həvəslə
öyrədirlər.
Şakir CƏFƏROV |