|
İyulun 6-dan 11-dək Bolqarıstan Müəllimlərinin
Həmkarlar İttifaqının təşkilatçılığı ilə
müəllimlərin VII beynəlxalq idman yarışları
keçiriləcəkdir. Ənənəyə çevrilən bu yarışlarda
Avropa ölkələri ilə yanaşı, respublikamızın da
müəllimləri iştirak edəcəkdir.
Qeyd olunanlar nəzərə alınaraq, müəllimlərin
asudə vaxtlarının səmərəli təşkili və sağlam
həyat tərzinə yiyələnmələri məqsədilə Bakı
şəhərinin ümumtəhsil məktəblərinin müəllimləri
arasında voleybol, mini-futbol, şahmat və
stolüstü tennis üzrə yarışların keçirilməsi
qərara alınıb.
Azərbaycan Respublikasının Təhsil Nazirliyi və
Azərbaycan Təhsil İşçiləri Azad Həmkarlar
İttifaqı Respublika Komitəsi bu yarışları
ümummilli liderimiz Heydər Əliyevin anadan
olmasının 88-ci ildönümü və onun xatirəsinə
ehtiram əlaməti olaraq respublika orta təhsil
məktəblərinin müəllimləri arasında keçirilməsini
məqsədəuyğun hesab edir.
Bu məqsədlə ATİAHİRK-nın Yasamal rayon komitəsi
və Yasamal Rayon İcra Hakimiyyəti 53 nömrəli
məktəbin nəzdində rayonun orta təhsil
məktəblərinin müəllimləri arasında şahmat idman
növü üzrə yarış keçirdi. Yarış iştirakçıları bir
dəqiqəlik sükutla ulu öndərin xatirəsini yad
etdilər.
Yarışın açılışında iştirak edən Yasamal Rayon
İcra Hakimiyyətinin şöbə müdiri Rafiq Həmidlv,
Bakı Şəhəri üzrə Təhsil İdarəsinin
Səbail,Yasamal, Qaradağ rayonları üzrə
metodisti, həm də yarışın baş hakimi Müzəffər
Həsənov, ATİAHİRK-nın Yasamal rayon komitəsinin
sədri Elçin Həmidov iştirakçılara uğurlar
arzuladılar.
Orta məktəblərdə işləyən 14 nəfər müəllim bu
yarışlarda iştirak etdi. Maraqlı və gərgin keçən
bütün görüşlərdə 21 nömrəli orta məktəbin
gənclərin çağırışaqədərki hərbi hazırlığı
rəhbəri Niyazi Səlimov 1-ci, 18 nömrəli orta
məktəbin tarix müəllimi isə 2-ci yerləri
tutdular. Onların hər ikisi şəhər birinciliyinə
vəsiqə qazandılar. Həm qaliblər, həm də
iştirakçılar mükafatlandırıldılar.
Məmməd MUXTAROĞLU |
