Azərbaycan Dillər Universitetinin (ADU)
İnformasiya Resurs Kompleksində (İRK)
Hindistanın İngilis dili və digər Müasir Avropa
dilləri Universitetinin professoru Abhijit Sen
"Rabindranat Taqorun teatrı: mədəniyyətlərarası
eyniliklər" mövzusunda mühazirə oxudu.
Regionşünaslıq kafedrasının müdiri, dosent
Sevdagül Əliyevanın təşkilatçılığı ilə keçirilən
tədbirdə ADU-nun beynəlxalq əlaqələr üzrə
prorektoru, dosent Jalə Qəribova, regionşünaslıq
və beynəlxalq münasibətlər fakültəsinin dekanı,
dosent Məcid Əliyev, eləcə də həmin fakültənin
hindistanşünaslıq ixtisası üzrə təhsil alan II
və IV kurs tələbələri iştirak edirdilər.
Hindistanlı professor Abhijit Sen mühazirəsində
Benqal ədəbiyyatı və musiqisini formalaşdıran
şair, dramaturq, musiqiçi, rəssam Rabindranat
Taqorun yaradıcılığından ətraflı məlumat verdi.
Sonra regionşünaslıq və beynəlxalq münasibətlər
fakültəsinin dekanı, dosent Məcid Əliyev çıxış
edərək teatr sahəsində Azərbaycan və Hindistan
arasında müəyyən oxşarlıqların mövcud olduğunu
söylədi.
Sonda R.Taqor haqqında söylənilən fikirlərdən
ibarət videoslayd nümayiş olundu. İştirakçılar
R.Taqorun rəsm əsərlərindən ibarət sərgi ilə də
tanış oldular.
ADU-nun İctimaiyyətlə
əlaqələr və mətbuat xidməti |