|
Bakıdakı 91 nömrəli tam orta məktəbdə Akademik
Milli Dram Teatrının bir qrup yaradıcı heyəti
ilə görüş keçirilib. Teatrın "Maskasız, qrimsiz
görüşlər" silsiləsindən olan budəfəki tədbirdə
direktor müavini, əməkdar artist Azər Mirzəyev,
ədəbi hissə müdiri, əməkdar mədəniyyət işçisi
Atababa İsmayıloğlu, xalq artistləri Rafael
Dadaşov və Zemfira Nərimanova iştirak etmişlər.
Tədbiri məktəbin direktoru Svetlana Zülfiqarova
açaraq belə görüşlərin şagirdlərin yaddaşında
buraxdığı izdən, mənəvi-estetik tərbiyəsindəki
rolundan söhbət açıb.
Tədbirdə Akademik Milli Dram Teatrının keçdiyi
yol, müasir repertuarı haqqında məlumat verilib.
Tanınmış sənətkarlar sənətə ilk gəlişləri,
yaradıcılıq yolları haqqında məlumat verilib,
teatr və kinodakı fəaliyyətlərini diqqətə
çatdırıblar.
Sənət ustaları müəllim və şagirdlərin çoxsaylı
suallarına cavab verib, tamaşaçı ilə belə canlı
ünsiyyətin vacibliyini, əhəmiyyətini qeyd
ediblər.
A.XİLƏLİ |
|
