Javascript DHTML Drop Down Menu Powered by dhtml-menu-builder.com

Ana səhifə Seçilmişlərə əlavə et Bizə yazın

 

ARXİV

6 Yanvar - №1

 

Həmrəylik Gününə həsr olunmuş  "açıq dərs"

 

Bağca-Məktəb-Lisey Kompleksində  31 dekabr - Dünya Azərbaycanlılarının Həmrəylik Günü münasibəti ilə müstəqil Azərbaycanın qurucusu ulu öndər Heydər Əliyevə həsr olunmuş "açıq dərs" keçirildi.  

Əvvəlcə tədbir iştirakçıları kompleksin foyesində ulu öndərin həyat və fəaliyyətinin bəzi məqamlarını əks etdirən fotolardan ibarət sərgi ilə tanış oldular. Təhsil ocağının direktoru Qafar Hüseynov  iştirakçıları Həmrəylik Günü və Yeni il  münasibəti ilə təbrik edərək müstəqil Azərbaycanın qurucusu ulu öndər Heydər Əliyevin misilsiz xidmətlərindən danışdı.

VI "a" sinfində təşkil olunan "açıq dərs"də əvvəlcə şagirdlərin ifasında Dövlət himni səsləndi və ümummilli lider Heydər Əliyevin əziz xatirəsi bir dəqiqəlik sükutla yad edildi. Ulu öndərə həsr olunmuş  film nümayiş olundu.

Müəllim Kəmalə Bədəlova tarixi mənbələrə əsaslanaraq 31 dekabr - Dünya Azərbaycanlılarının Həmrəylik Günü haqqında danışaraq Heydər Əliyevin Azərbaycan xalqı qarşısındakı misilsiz xidmətlərindən söz açdı.  Sonra  bilik yarışması başladı.  Yarışma üçün seçilmiş suallar ulu öndərin həyatı, fəaliyyəti və müasir Azərbaycanın tarixi haqqında idi.  Sinif üç qrupa bölündü. Şagirdlər ilk mərhələdə verilmiş müxtəlif sualları cavablandırdılar.

Şagirdlərin yarışmada fəallığı və maraqlı fikirlər söyləməsi onların ulu öndərə olan sevgisindən irəli gəlirdi. Hər qrupun münsiflər heyəti tərəfindən verilən qiyməti yazı lövhəsində qeyd olunurdu.

Növbəti mərhələdə müəllim hər qrupa bir mövzu verdi.  Birinci  qrupun şagirdlərinə Heydər Əliyevin həyatı haqqında məlumat toplamaq tapşırıldı. Şagirdlərdən  İmran və  Fidan  mövzunu daha ətraflı izah edərək yüksək hazırlıq nümayiş etdirdilər. İkinci qrupun şagirdləri ümummilli liderin Azərbaycan  KP MK-nın  birinci katibi işlədiyi illərdə ölkədə gedən quruculuq işlərindən, xalqımızın maddi rifahının yüksəlməsində göstərdiyi əvəzsiz xidmətlərindən danışdılar. Şagirdlərdən Züleyxa və Əfsanə Heydər Əliyevin böyük  lider və tarixi şəxsiyyət   kimi qəbul olunmasında onun hələ sovet dövründə gördüyü işlərin müstəsna rol oynadığını vurğuladılar. Üçüncü qrupun şagirdləri isə bu ölməz siyasətçinin müstəqil Azərbaycanın qurucusu  kimi fəaliyyətindən danışdılar. Kamran və Ravil çıxışlarında qeyd etdilər ki, 1990-cı ilin 20  yanvarında xalqına qarşı törədilən qanlı faciəyə  öz etiraz səsini  bir vətəndaş kimi bütün dünyaya çatdıran  Heydər Əliyev sonralar ölkənin müstəqilliyini təmin edən bir liderə çevrilmişdi.

III mərhələdə isə ulu öndərin müəyyən bir qərarının tarixini və ya hər hansı bir tarixin hansı hadisəylə bağlı olduğunu göstərmək üçün hər üç qrupa tapşırıq verildi. Yenə də şagirdlər öz yüksək hazırlıqlarını nümayiş etdirdilər.

Dərsdə iştirak edən qonaqlar razı qaldıqlarını, şagirdlərin bilik səviyyəsinin yüksək olduğunu bildirdilər.  

Rəşad ZİYADOV

 
 
 
Səhifənin başına qalx "Xəbərlər" bölməsinə get Nömrənin müdəricatına dön

Səhifənin başına qalx

 
 

 
 
 
 
 
 
 

 
 

İnternet və ya sayt daxilində  axtarmaq istədiyiniz sözü xanaya yazıb "Axtar" düyməsini sıxın

internetdə

saytda

 
 

AZƏRBAYCAN
RESPUBLİKASI
TƏHSİL
QANUNU

ƏN YAXŞI
MÜƏLLİMLƏR

ƏN YAXŞI
MƏKTƏBLƏR

700 BAL
TOPLAYANLAR

 
Heydər Əliyev
İlham Əliyev
Heydər Əliyev Fondu

Təhsil Nazirliyi

 

AZƏRBAYCANIN TƏHSİL NAZİRLƏRİ

 

DÜNYA UNİVERSİTETLƏRİ

 

DÜNYA TƏHSİLİ

 

ELANLAR

       
 

Copyright  ©  All Rights Reserved.
Created and supported by Mehman Shafagatov